Qazaqstanda jaŋa qauymdastyq qūrylady. Būl turaly säuır aiynyŋ basynda «Jaŋa Adamdar» Jastar qozǧalysy su tasqynymen küres kezınde apat aimaqtaryna erıktıler tobyn jıberu üşın jaŋa qauymdastyq qūratynyn mälımdedı, dedı dep habarlaidy “Adyrna” ūlttyq portaly.
«Bärımızge qatysty» nauqany arqyly su apaty kezınde kömekke mūqtaj aimaqtarǧa ondaǧan tonna gumanitarlyq kömek jıberıldı. Sondai-aq jüzdegen adam ärtürlı toppen Kökşetau, Petropavl, Oral, Atyrau jäne Aqmola oblysynyŋ bırneşe auylyna bardy.
Su basqan öŋırlerge jüzdegen jas apatpen küreske kömektesu üşın jöneltıldı. Olar böget salu, qapqa qūm toltyru jäne özge de jūmystarǧa atsalysty.
Elımızdegı tabiǧi apat Qazaqstanda jaŋa qauymdastyqtyŋ qūryluyna sebepker boldy. «Jaŋa Adamdar» Jastar qozǧalysy qauymdastyq atauyn «Jaǧdaiǧa nemqūraily emes jandar» dep atady.
Aita keteiık, «Jaŋa Adamdar» qozǧalysy 2022 jyldyŋ tamyzynda qūryldy. Qozǧalys jetekşısı Äsel Bädenovanyŋ aituynşa, onyŋ 700 müşesı bar.
Atalǧan qozǧalys biyl aqpan aiynda el tūrǧyndaryna eltaŋbany auystyru turaly ūsynys jasaǧan bolatyn.
"Alaida bız bıletın eltaŋba qūndylyqtarymyz jaily syr şertpeidı ärı bolaşaqqa jol sılter rämız emes. Saualnamaǧa qatysqan qazaqstandyqtardyŋ 70 paiyzy eltaŋbamyzdy tani almady. Qazaqstan – qazırgı zaman talaptaryna sai alǧa ülken maqsattar qoiyp, jaŋa belesterdı baǧyndyru jolynda. Bız, Jaŋa adamdar, jauapkerşılıgı zor maqsattarǧa bet alǧan jas memleketke tyŋ közqarastaǧy jaŋa rämızdıŋ kerek ekenın senımdılıkpen jetkızgımız keledı. Jaŋa eltaŋba – jahandyq özgerıster oryn alǧan şaqta bızdıŋ memleketımızdıŋ naqty orny qaida ekenıne jauap beruı kerek", – dedı olar.Ūqsas jaŋalyqtar
