جەتىسۋ وبلىسىندا اۋىل بلوگەرىنە قاتىستى داۋ تۋىندادى. ول بىرنەشە جىل بۇرىن قوقىس پوليگونىنان مەملەكەتتىك ەلتاڭبانى تاۋىپ الىپ، ونى ءوز ۇيىندە ساقتاعان. بۇل ارەكەتى ءۇشىن دانيار بەيىسقالي ايىپپۇل ارقالادى، دەپ حابارلايدى «ادىرنا» ءتىلشىسى.
بلوگەر ەلتاڭبانى جۋىپ-تازالاپ، ۇيىنە ءىلىپ قويعانىن ايتتى.
«مەن مۇنى سيمۆولعا قۇرمەت رەتىندە جاسادىم، ونى ساقتاپ قالعىم كەلدى»،- دەدى دانيار بەيىسقالي.
ەر ادام نەلىكتەن وزىنە ايىپپۇل سالىنعانىن تۇسىنبەيتىنىن دە جەتكىزدى.
بۇل جاعدايعا جەتىسۋ وبلىستىق پوليتسيا دەپارتامەنتى پىكىر ءبىلدىردى. وندا اقسۋ اۋدانى اكىمدىگىنەن تۇسكەن ءوتىنىش نەگىز بولعانى ناقتىلاندى. تەكسەرۋ بارىسىندا پوليتسەيلەر ەر ادامنىڭ جەكە باسىن انىقتاپ، ونى قولدانىستاعى زاڭناماعا سايكەس جاۋاپكەرشىلىككە تارتقان. دانيار بەيىسقالي اقبتك-ءنىڭ 458-بابى بويىنشا جازالانىپ، وعان 50 اەك — 216 250 تەڭگە ايىپپۇل سالىنعان.
پوليتسيادا قازاقستاننىڭ مەملەكەتتىك رامىزدەرى زاڭمەن قورعالاتىنىن ەسكە سالىپ، ولاردى تەك بەلگىلەنگەن تارتىپكە ساي قولدانۋعا بولاتىنىن جەتكىزدى.
