بۇكىل الەمدە پىكىرسايىس كلۋبتارى جاستاردىڭ سىني تۇرعىدان ويلاۋ قابىلەتىن شىڭداۋىنا، ءتيىمدى كوممۋنيكاتسيا قۇرۋ داعدىلارىنا جانە ازاماتتىق بەلسەندىلىگىنە وڭ اسەر ەتۋشى ينستيتۋت رەتىندە قىزمەت ەتىپ كەلەدى.
تاريح كورسەتكەندەي بۇل كلۋبتار بولاشاق كوشباسشىلاردى قالىپتاستىرۋدا شەشۋشى ءرول اتقارادى. مىسالى، امەريكا قۇراما شتاتتارىندا كوپتەگەن پىكىرسايىس كلۋبتارى قوعامدا وشپەس ءىز قالدىرىپ، تاريحتى قالىپتاستىرعان جانە وڭ وزگەرىستەرگە سەبەپشى بولعان ليدەرلەردى تاربيەلەپ شىعاردى. گارۆارد ۋنيۆەرسيتەتى مەن يەل ۋنيۆەرسيتەتى سياقتى بەلدى وقۋ ورىندارى پىكىرسايىسپەن اينالىسقان اتاقتى تۇلەكتەرىمەن ماقتانادى. فرانكلين رۋزۆەلت، دجون كەننەدي جانە باراك وباما سياقتى پرەزيدەنتتەر دەبات كلۋبتارىندا وزدەرىنىڭ شەشەندىك قابىلەتتەرىن شىڭداپ، ءبۇتىن ۇلتتى شابىتتاندىراتىن قابىلەتتەرىن ءوز مانساپتارىندا ءتيىمدى پايدالاندى.
پىكىرسايىس قوزعالىسى اياسىندا ەلىمىزدە ۇزدىك چەمپيوندار ورتاسى بولعان “تاڭداۋلى ەكونوميستتەر وداعى” جوعارعى پىكىرسايىس مەكتەبى بيىل قۇرىلعانىنا 20 جىلدىعىن اتاپ ءوتتى. مەرەي توي اياسىندا ۇلتتىق دەڭگەيدەگى ەڭ ءىرى تۋرنير ءوتتى. 4-5 مامىر كۇندەرى ەلىمىزدىڭ 9 وبلىسىنان 300 قاتىسۋشى مەن 1500-عا جۋىق كورەرمەن نارحوز ۋنيۆەرسيتەتىندە وتەتىن رەسپۋبليكالىق ماڭىزى بار جاستار ۇيىمى “تاڭداۋلى ەكونوميستتەر وداعى” جوعارى پىكىرسايىس مەكتەبىنىڭ ۇيىمداستاستىرىلۋىمەن وتكەن رەسپۋبليكالىق دەڭگەيدەگى TEO CUP XIII پىكىرسايىس ءتۋرينيرىن تاماشالاۋ ءۇشىن جينالدى.
پىكىرسايىس – ورتانى دامىتۋ ماقساتىندا قۇرىلعان دامىتۋشى قوعامدىق قوزعالىس. مۇندا جينالعان جاستار باسەكەلەستىكتى تالاپ ەتەتىن ءححى عاسىردا ەركىن ويدى انىق جەتكىزۋ، كريتيكالىق ويلاۋ سەكىلدى قاسيەتتەردى بويىنا دارىتىپ، ينتەلەكتۋالدى باعىتتا وسەتىن بولادى. وسى جاستارمەن قوعامنىڭ نەگىزى قالانادى.
2004 جىلى قۇرىلعان تەو جپم ۇيىمى بۇگىندە جاستاردى دامىتۋ ماقساتىندا قوعامدا وزىندىك ۇلەسىن قوسىپ كەلە جاتقان ۇيىمداردىڭ ءبىرى. قوعامدى قالىپتاستىرۋشى جاستار پلاتفورماسىنىڭ بولۋىنا جاعداي جاساۋ ءۇشىن وسى ورتادان قازاقستاننىڭ تۇپكىر-تۇكپىرىنەن شىققان 300 – گە تامان تۇلەكتەرى ەلىمىزدىڭ ەكونوميكالىق دامۋى جولىندا ەڭبەك ەتۋدە.
بولاشاق باعدارلاماسىمەن 13 جانە باسقا شەتەلدىك گرانتتارمەن 5 تەو جپم تۇلەكتەرى شەتەلدە ءبىلىم العان. ولار University of Toronto, Canada, University of Liverpool, Pensylvania State University, London School of Economics, New York University, Brunel Univeristy, University of Warwick, University of East Anglia, University of Leicester, University of Surrey, Alanya Alaaddin Keykubat University سىندى الەمنىڭ ۇزدىك ۋنيۆەرسيتەتتەرىندە وقىپ، قازىرگى تاڭدا ءتۇرلى سالالاردا جەمىستى ەڭبەك ەتۋدە.
ءتۋرنيردىڭ باستى تالاپتارىنا قوعامدا ورىن الىپ جاتقان وزەكتى ماسەلەلەر مەن ولاردىڭ ءتيىمدى شەشۋ جولدارى تالقىلاۋ جاتادى. ەكى كۇندىك پىكىر سايىس تۋرنيرىندە مەكتەپ وقۋشىلارى مەن ستۋدەنتتەر مەملەكەتتىك تىلدە الەمدىك دەڭگەيدە كەڭ قولدانىسقا يە بپف (بريتاندىق پارلامەنتتىك فورمات), اپف (امەريكاندىق پارلامەنتتىك فورمات) جانە لد (لينكولن دۋگلاس) فورماتتارىندا وزدەرىن سىناپ كوردى.
تۋرنير ناتيجەسى بويىنشا ستۋدەنتتىك ليگانىڭ الفا ليگاسىندا 200-گە جۋىق قاتىسۋشىسىنىڭ اراسىندا ۇزدىك اتانىپ اپف جانە لد فورماتتارى بويىنشا ءبىرىنشى جانە ەكىنشى ورىنعا يە بولعان جازيرا جوندەربەك پەن ينكاروۆ ەرعالي. اپف بويىنشا ەكىنشى ورىنعا “حان ءتاڭىرى” فراكتسياسى ازامات ارىنوۆ پەن اسەت ورازعالي، ءۇشىنشى ورىنداردى “جامبىل” فراكتسياسى ابۋعالي ەرعالي مەن تۇرسىنالى دۋلات جانە “ارگۋمەنت” فراكتسياسى ونگاروۆ نۋرجان مەن ابەنوۆ احمەتجان يەلەندى.
ال مەكتەپ ليگاسىندا لد فورماتىندا ەڭ ۇزدىك سپيكەر اتانعان تايتانوۆا دياناعا JOO High School-دان ءبىر جىلدىق گرانت تابىستالدى، ال ۇزدىك سپيكەر اتانعان باقىتبەك اقبوتا، اپف فورماتىندا ءبىرىنشى ورىنعا “ناگاتو مەن ميناتو” دجۋمادين ەراسىل، قۋانىشبەك بەكجان، ەكىنشى ورىنعا “Shym shide street” فراكتسياسى ءازىمحان بەكارىس، ءادىلباي راتجان، ءۇشىنشى ورىنعا “عۇمىردان دا ۇزاق كۇن” فراكتسياسى كويشيەۆا ارايلىم، تابىنباەۆا نۇردانا، “Dope Soz” فراكتسياسى زايدۋللاەۆا ارايلىم مەن اسكاروۆا انەل يەلەندى. بارلىق جەڭىمپازدارعا اقشالاي سىيلىق تابىستالدى.
تۋرنيعا دەمەۋشىلىك كورسەتكەن Narxoz University, Altyn Altai مەيرامحانالار جەلىسى، JOO High School مەكتەبى، Qulankz وتاندىق كيىم دۇكەنى مەن Degusto كوفەينيالار جەلىسىنە العىس بىلدىرەدى.
