Búkil álemde pikirsaıys klýbtary jastardyń synı turǵydan oılaý qabiletin shyńdaýyna, tıimdi kommýnıkaııa qurý daǵdylaryna jáne azamattyq belsendiligine oń áser etýshi ınstıtýt retinde qyzmet etip keledi.
Tarıh kórsetkendeı bul klýbtar bolashaq kóshbasshylardy qalyptastyrýda sheshýshi ról atqarady. Mysaly, Amerıka Qurama Shtattarynda kóptegen pikirsaıys klýbtary qoǵamda óshpes iz qaldyryp, tarıhty qalyptastyrǵan jáne oń ózgeristerge sebepshi bolǵan lıderlerdi tárbıelep shyǵardy. Garvard ýnıversıteti men Iel ýnıversıteti sııaqty beldi oqý oryndary pikirsaıyspen aınalysqan ataqty túlekterimen maqtanady. Franklın Rýzvelt, Djon Kennedı jáne Barak Obama sııaqty prezıdentter debat klýbtarynda ózderiniń sheshendik qabiletterin shyńdap, bútin ultty shabyttandyratyn qabiletterin óz mansaptarynda tıimdi paıdalandy.
Pikirsaıys qozǵalysy aıasynda elimizde úzdik chempıondar ortasy bolǵan “Tańdaýly Ekonomıstter Odaǵy” Joǵarǵy PikirSaıys Mektebi bıyl qurylǵanyna 20 jyldyǵyn atap ótti. Mereı toı aıasynda ulttyq deńgeıdegi eń iri týrnır ótti. 4-5 mamyr kúnderi elimizdiń 9 oblysynan 300 qatysýshy men 1500-ǵa jýyq kórermen Narhoz ýnıversıtetinde ótetin respýblıkalyq mańyzy bar jastar uıymy “Tańdaýly Ekonomıstter Odaǵy” Joǵary Pikirsaıys Mektebiniń uıymdastastyrylýymen ótken respýblıkalyq deńgeıdegi TEO CUP XIII pikirsaıys týrınırin tamashalaý úshin jınaldy.
Pikirsaıys – ortany damytý maqsatynda qurylǵan damytýshy qoǵamdyq qozǵalys. Munda jınalǵan jastar básekelestikti talap etetin HHI ǵasyrda erkin oıdy anyq jetkizý, krıtıkalyq oılaý sekildi qasıetterdi boıyna darytyp, ıntelektýaldy baǵytta ósetin bolady. Osy jastarmen qoǵamnyń negizi qalanady.
2004 jyly qurylǵan TEO JPM uıymy búginde jastardy damytý maqsatynda qoǵamda ózindik úlesin qosyp kele jatqan uıymdardyń biri. Qoǵamdy qalyptastyrýshy jastar platformasynyń bolýyna jaǵdaı jasaý úshin osy ortadan Qazaqstannyń túpkir-túkpirinen shyqqan 300 – ge taman túlekteri elimizdiń ekonomıkalyq damýy jolynda eńbek etýde.
Bolashaq baǵdarlamasymen 13 jáne basqa sheteldik granttarmen 5 TEO JPM túlekteri shetelde bilim alǵan. Olar University of Toronto, Canada, University of Liverpool, Pensylvania State University, London School of Economics, New York University, Brunel Univeristy, University of Warwick, University of East Anglia, University of Leicester, University of Surrey, Alanya Alaaddin Keykubat University syndy álemniń úzdik ýnıversıtetterinde oqyp, qazirgi tańda túrli salalarda jemisti eńbek etýde.
Týrnırdiń basty talaptaryna qoǵamda oryn alyp jatqan ózekti máseleler men olardyń tıimdi sheshý joldary talqylaý jatady. Eki kúndik pikir saıys týrnırinde mektep oqýshylary men stýdentter memlekettik tilde álemdik deńgeıde keń qoldanysqa ıe BPF (Brıtandyq Parlamenttik Format), APF (Amerıkandyq Parlamenttik Format) jáne LD (Lınkoln Dýglas) formattarynda ózderin synap kórdi.
Týrnır nátıjesi boıynsha stýdenttik lıganyń alfa lıgasynda 200-ge jýyq qatysýshysynyń arasynda úzdik atanyp APF jáne LD formattary boıynsha birinshi jáne ekinshi orynǵa ıe bolǵan Jazıra Jónderbek pen Inkarov Erǵalı. APF boıynsha ekinshi orynǵa “Han Táńiri” frakııasy Azamat Arynov pen Áset Orazǵalı, úshinshi oryndardy “Jambyl” frakııasy Ábýǵalı Erǵalı men Tursynaly Dýlat jáne “Argýment” frakııasy Ongarov Nýrjan men Abenov Ahmetjan ıelendi.
Al mektep lıgasynda LD formatynda eń úzdik spıker atanǵan Taıtanova Dıanaǵa JOO High School-dan bir jyldyq grant tabystaldy, al úzdik spıker atanǵan Baqytbek Aqbota, APF formatynda birinshi orynǵa “Nagato men Mınato” Djýmadın Erasyl, Qýanyshbek Bekjan, ekinshi orynǵa “Shym shide street” frakııasy Ázimhan Bekarys, Ádilbaı Ratjan, úshinshi orynǵa “Ǵumyrdan da uzaq kún” frakııasy Koıshıeva Araılym, Tabynbaeva Nurdana, “Dope Soz” frakııasy Zaıdýllaeva Araılym men Askarova Anel ıelendi. Barlyq jeńimpazdarǵa aqshalaı syılyq tabystaldy.
Týrnıǵa demeýshilik kórsetken Narxoz University, Altyn Altai meıramhanalar jelisi, JOO High School mektebi, Qulankz otandyq kıim dúkeni men Degusto kofeınıalar jelisine alǵys bildiredi.
