الماتىدا 1-2 ءساۋىر كۇندەرى «نارحوز ۋنيۆەرسيتەتىندە» «تەو CUP XII» رەسپۋبليكالىق دەبات ءتۋرنيرى ءوتتى. بۇل جولعى دودانىڭ باس سەرىكتەسى جانە بىرلەسە ۇيىمداستىرۋشىسى «قازاقستاندىق اتوم ەلەكتر ستانتسيالارى» جشس.
تۋرنيرگە بيىل ەلىمىزدىڭ ءار وڭىرىندەگى جوعارى وقۋ ورىنىنان 80 فراكتسيا ىرىكتەلگەن.
ەكى كۇنگە جالعاسقان تۋرنير دەباتىندا اتوم ەنەرگەتيكاسى، اەس قۇرىلىسى جوباسى، اتوم سالاسىنىڭ عىلىمي الەۋەتى، ەكونوميكا، ەكولوگيا، ءتۇرلى الەۋمەتتىك تاقىرىپتار قوزعالدى. ونىڭ ىشىندە قوعامدىق تالقى تۋدىرعان وزەكتى ماسەلەلەر باسا نازارعا الىندى. سايىسقا استانا، اقتوبە، اتىراۋ، شىمكەنت، تاراز، تۇركىستان قالالارىنان ستۋدەنتتەر كەلىپ جۇلدەلى ورىندار ءۇشىن تالاسقا ءتۇستى.
دەبات ويىندارىنا «قاەس» جشس ماماندارى، ەكونوميست، قوعام بەلسەندىلەرى جانە كاسىپكەرلەر تورەلىك جاسادى. ولاردىڭ قاتارىندا «قاەس» جشس اتوم ەنەرگەتيكاسى ءبولىمىنىڭ ينجەنەرى اسۋان سيابەكوۆ، تەو وداعىنىڭ نەگىزىن قالاۋشى ماقسات حالىق، ەربولات مۇحامەدجان سىندى قوعام بەلسەندىلەرى بار.
ويىندا تورەشىلىك ەتكەن «قاەس» جشس باس مەنەدجەرى اسۋان سيابەكوۆ جاستار اراسىنداعى وسىنداي ينتەللەكتۋالدى ويىندار ارقىلى ەلىمىز ءۇشىن ماڭىزدى دەگەن ماسەلەلەردى ءجيى قوزعاي تۇسسەك، ۇلتتىق سانامىزدىڭ وركەندەۋى ايقىندالادى دەدى:
«قوعامىنىڭ ساناسىن جاڭعىرتۋ – جاستار ارقىلى جۇزەگە اسادى. اكتۋالدى ءارى ەلىمىز ءۇشىن كۇردەلى ماسەلەلەردى قوزعاي تۇسەتىن بولساق، ولاردىڭ شەشىلۋ جولدارى دا كورىنە باستايتىنى ءسوزسىز. بۇگىنگى تاڭدا اەس سالۋ تاقىرىبى وزەكتى ماسەلە. بۇل تاقىرىپ تۋراسىندا ءتۇرلى پىكىرلەر بار. الايدا ىزدەنىمپاز جاستار عىلىمي تۇرعىدا ويلاناتىندارىن، ەلىمىز ءۇشىن ماڭىزى بار دۇنيەنىڭ ەرتەڭگى كۇنگى پايداسى بارىن دايەكتەرمەن نەگىزدەي وتىرا بولاشاق ءۇشىن كەرەك ەكەندەرىن جەتكىزدى. جاستاردىڭ اتالعان تاقىرىپتا زاماناۋي تۇرعىدا ويلانا ءبىلۋى ارينە قۋانتادى»، - دەدى ول.
رەسپۋبليكالىق دەبات تۋرنيرىنە تىركەلگەن 50 ۋنيۆەرسيتەت دەباتشىلارى پىكىرسايىسىپ، ولاردىڭ اراسىنان وق بويى وزا شاپقاندار انىقتالدى. ولار: الفا ليگاسى بويىنشا ءبىرىنشى ورىن يەلەنگەن «ءال فارابي» فراكتسياسى جاكەن نۇرحان، بەردىمۇرات حاسەنۇلى بولسا، 2 ورىن «ارگۋمەنت" فراكتسياسى جاقسىلىق بوتاگوز، ابەنوۆ احمەتجان ەسىمدى قاتىسۋشىلارعا بۇيىردى. ءۇشىنشى ورىندى «Goldman» كومانداسىنان قىستاۋباەۆ قۋانىش، جاپار الي، 4 ورىن: «ءبىز ءالى جارق ەتەمىز» ءاشىم مادينا، نۇرداۋلەت ومىرزاق يەلەنگەن بولاتىن.
ۆەتتا ليگا:
1 ورىن: «نوگاتو مەن ميناتو»
رۋسلان ابدىگاليەۆ، ابديللا اسانالي
2 ورىن: «اقتوبە ارلانس»
امانجول حانيەۆ، بيتيمباي يسلامبەك
3 ورىن: «تولەبي ساينا 570»
زاكەەۆ اسحات، امانگەلدى رىسكۇل
4 ورىن: «قازاقي پروپاگاندا»
بايتۋرەەۆ بولات، سابيت ەرزات
لد فورماتى بويىنشا:
1 ورىن: ەرعالي ىڭكاروۆ
2 ورىن: نۇرداۋلەت ومىرزاق
جاستار فينالىندا:
1 ورىن: «سدۋ ينداستري»
قۇلبەك رامازان، كۋبەگەن نۇرمۇحاممەد جەڭىس تۇعىرىنان كورىندى.
تۋرنيردە جەڭىمپاز اتانعان بەردىمۇرات حاسەنۇلى:
«دەمەۋشى بولعان «قاەس» جشس-گە cونداي-اق بارشا ۇيىمداستىرۋشىلارعا العىسىمدى بىلدىرەمىن»، - دەگەن پىكىرىن ايتسا، الماتى قالاسى پىكىرسايىس ءتۋرنيرىنىڭ قالالىق كورديناتورى مەرەي راشيدقىزى: «دەبات - ءبىلىم الۋدىڭ توتە جولى. مەن دەباتتى ەۋروپادا ويناعان اداممىن. ول جاقتا ۋنيۆەرسيتەتتەردە ءۇش عاسىرعا جۋىق ۋاقىتتان بەرى دەبات مەكتەپتەرى قاتار جۇمىس جاسايدى. دەبات – وتە ۋنيۆەرسالدى قۇرال. ونى كوبىنە قازاق قوعامىندا ۇرىس الاڭى دەپ ويلايتىن ستەرەوتيپ قالىپتاسقان. الايدا ول ۇرىس ەمەس، ناعىز ينتەللەكتۋالدى ويىن» دەگەن پىكىرىن جەتكىزدى.
«قاەس» جشس باس سەرىكتەستىگىمەن جانە بىرىگە ۇيىمداستىرۋىمەن وتكەن دەبات ءتۋرنيرىنىڭ سايىس جەڭىمپازدارى ارنايى كۋبوكتارمەن، ديپلومدارمەن سونداي-اق قارجىلاي سىيلىقتارمەن ماراپاتتالدى.
دينا ليتپين
