قازاقستان رەسپۋبليكاسىنىڭ تاۋەلسىزدىك كۇنىنە وراي الماتى قالاسىندا نارحوز ۋنيۆەرسيتەتىنىڭ تەو جپم ۇيىمى ۇيىمداستىرۋىمەن ICE SCREAM CUP XII رەسپۋبليكالىق جاس پىكىرسايىس ءتۋرنيرى جوعارى دەڭگەيدە وتكىزىلدى. 2025 جىلدىڭ 15–16 جەلتوقسانىندا وتكەن بۇل تۋرنيرگە ەلىمىزدىڭ ءار ايماعىنان 160 جاس قاتىسۋشى قاتىستى.
جارىسقا قازاقستاننىڭ 6 ايماعىنان — تاراز، شىمكەنت، الماتى وبلىسى، تالدىقورعان، اقتوبە، قىزىلوردا قالالارىنان كوماندالار كەلىپ، ءوز باقتارىن سىنادى. تۋرنيرگە 80 كوماندا قاتىستى، ال ءىس-شارانى تاماشالاۋعا 500-دەن استام كورەرمەن جينالدى.
ءتۋرنيردىڭ ماقساتى — جاس پىكىرسايىسشىلاردىڭ كوشباسشىلىق قابىلەتىن، سىني ويلاۋ داعدىلارىن دامىتۋ جانە پىكىرسايىس مادەنيەتىن ناسيحاتتاۋ. ICE SCREAM XII رەسپۋبليكالىق ءتۋرنيرى 12 جىل بويى ءداستۇرلى تۇردە وتكىزىلىپ كەلەدى جانە قازاقستانداعى ەڭ ءىرى پىكىرسايىس دودالارىنىڭ ءبىرى بولىپ سانالادى.
2025 جىلعى جەڭىمپازدار:
- 1-ورىن — «بەردىمۇرات اعا» (بولاتۇلى اليحان، مىرزابەكوۆا توعجان)
- 2-ورىن — «رۋزۆەلت» (ابدرەش اقلەن، قۇدايبەرگەن الي)
- 3-ورىن — «ZugZwang» (اركاديەۆا ريزا، نۇرلان اسىلحان)
جەكە نوميناتسيالار بويىنشا ەڭ ۇزدىك سپيكەر — اسقار ەلدانا، ۇزدىك سپيكەر — شەرالى قاسيەت دەپ تانىلدى. جەڭىمپازدارعا اقشالاي سىيلىقتار مەن ارنايى ماراپاتتار تابىس ەتىلدى.
ICE SCREAM XII اياسىندا قوسىمشا ينتەللەكتۋالدىق ويىن ۇيىمداستىرىلىپ، قاتىسۋشىلار ءوز لوگيكاسى مەن ەرۋديتسياسىن سىنادى. جەڭىمپازدارعا HR ACADEMY كۋرسىنا ارنالعان سەرتيفيكاتتار مەن ارنايى سىيلىقتار بەرىلدى.
تۋرنير جاستارعا رەسپۋبليكالىق دەڭگەيدە تاجىريبە الماسۋعا، ءوز ويلارىن بىلدىرۋگە جانە قوعامداعى ماڭىزدى ماسەلەلەردى تالقىلاۋعا مۇمكىندىك بەرەدى. ICE SCREAM CUP XII جىل سايىن ەلىمىزدىڭ تۇكپىر-تۇكپىرىنەن كەلگەن جاس پىكىرسايىسشىلاردى بىرىكتىرىپ، پىكىرسايىس مادەنيەتىنىڭ دامۋىنا ەلەۋلى ۇلەس قوسۋدا.
