وزبەكستان وپەك حالىقارالىق دامۋ قورىمەن 500 ميلليون دوللارلىق كەلىسىمگە قول قويدى، دەپ حابارلايدى "ادىرنا" ۇلتتىق پورتالى.
بۇل تۋرالى وپەك قورىنىڭ رەسمي سايتىندا جاريالاندى.
وپەك قورى 2024-2029 جىلدارعا ارنالعان سەرىكتەستىك تۋرالى كەلىسىمشارت اياسىندا وزبەكستانداعى مەكتەپكە دەيىنگى ءبىلىم بەرۋ جوبالارىن قولداۋعا 20 ميلليون دوللار كولەمىندە جاڭا نەسيە بولەدى. ەلدە 200 مەكتەپكە دەيىنگى ءبىلىم بەرۋ مەكەمەسى قۇرىلىپ جاتىر، ولاردا 30 مىڭعا جۋىق بالا تاربيەلەنەدى دەپ بولجانۋدا، جوبانى يسلام دامۋ بانكى مەن جەكە دونورلار بىرلەسىپ قارجىلاندىرادى.
ۇكىمەتتىڭ ماقساتى – 2030 جىلعا قاراي مەكتەپكە دەيىنگى بىلىممەن جاپپاي قامتۋعا قول جەتكىزۋ.
سونداي-اق، وپەك قورىنىڭ دەلەگاتسياسى سامارقاند وبلىسىنىڭ قۋشراباد اۋدانىنداعى سۋمەن جابدىقتاۋ جانە كاناليزاتسيا بويىنشا قور جوباسىنىڭ الاڭىنا بارادى دەپ جوسپارلانعان. 37 ميلليون دوللارلىق جوبا جەرگىلىكتى سۋ ينفراقۇرىلىمىن سالۋ جانە جاڭارتۋ ارقىلى شامامەن 70 000 ادامنىڭ دەنساۋلىعى مەن ءومىر ءسۇرۋ ساپاسىن جاقسارتۋعا كومەكتەسەدى.
