Ózbekstan OPEK halyqaralyq damý qorymen 500 mıllıon dollarlyq kelisimge qol qoıdy, dep habarlaıdy "Adyrna" ulttyq portaly.
Bul týraly OPEK qorynyń resmı saıtynda jarııalandy.
OPEK qory 2024-2029 jyldarǵa arnalǵan seriktestik týraly kelisimshart aıasynda Ózbekstandaǵy mektepke deıingi bilim berý jobalaryn qoldaýǵa 20 mıllıon dollar kóleminde jańa nesıe bóledi. Elde 200 mektepke deıingi bilim berý mekemesi qurylyp jatyr, olarda 30 myńǵa jýyq bala tárbıelenedi dep boljanýda, Jobany Islam damý banki men jeke donorlar birlesip qarjylandyrady.
Úkimettiń maqsaty – 2030 jylǵa qaraı mektepke deıingi bilimmen jappaı qamtýǵa qol jetkizý.
Sondaı-aq, OPEK qorynyń delegaııasy Samarqand oblysynyń Qýshrabad aýdanyndaǵy sýmen jabdyqtaý jáne kanalızaııa boıynsha qor jobasynyń alańyna barady dep josparlanǵan. 37 mıllıon dollarlyq joba jergilikti sý ınfraqurylymyn salý jáne jańartý arqyly shamamen 70 000 adamnyń densaýlyǵy men ómir súrý sapasyn jaqsartýǵa kómektesedi.
