لاۋازىمىنان بوساتىلعان مينيستر باعدات مۋسين الەۋمەتتىك جەلىدەگى پاراقشاسىندا جازبا جاريالادى، دەپ حابارلايدى "ادىرنا" ۇلتتىق پورتالى.
تسيفرلىق دامۋ، يننوۆاتسيالار جانە اەروعارىش ونەركاسىبىنىڭ ءمينيسترى باعدات مۋسين بۇگىن پرەزيدەنت جارلىعىمەن قىزمەتىنەن بوساتىلدى.
“مەنىڭ وتستاۆكاعا كەتكەنىم تۋرالى سوڭعى جاڭالىقتى ەستىگەن شىعارسىزدار. ءبىرىنشى كەزەكتە ەلىمىزدەگى ماڭىزدى سالانىڭ ءبىرى – تسيفرلاندىرۋ سالاسىن باسقارۋدى سەنىپ تاپسىرعان جانە مۇمكىندىك بەرگەن مەملەكەت باسشىسىنا العىس ايتقىم كەلەدى. 2020 جىلدان بەرى كوپ نارسە جاسالدى جانە ءالى دە جاسالادى. بۇگىندە قازاقستاندى الەمدەگى ەڭ دامىعان تسيفرلى ەلدەردىڭ ءبىرى دەپ ايتۋعا بولادى. بۇل الدىمەن كاسىبي ماماندار جينالعان ۇلكەن كوماندانىڭ ەڭبەگى، ءبىز ولارمەن بىرگە ءوسىپ، قيىندىقتاردى دا، ۇلكەن جەڭىستەردى دە بولىستىك. تسيفرلى سەرۆيستەردى ەنگىزۋ ۇدەرىستەرىنە جانە تسيفرلىق دامۋ جانە اەروعارىش ونەركاسىبى مينيسترلىگىنىڭ دامۋىنا قولداۋ كورسەتكەن، سەنىم بىلدىرگەن جانە قاتىسقان ارقايسىڭىزعا ريزامىن. مەن قاراپايىم قازاقستاندىقتاردىڭ ءومىرىن جەڭىلدەتكەن جانە ىڭعايلى ەتكەن جەتىستىكتەرىمىزدى ماقتان تۇتامىن، بۇل ارينە – تسيفرلى مەملەكەتتىك قىزمەتتەر. سونىمەن قاتار ءبىزدىڭ پروگرەسسيۆتى تسيفرلى ونىمدەرىمىز حالىقارالىق دەڭگەيدە اتاپ ءوتىلدى جانە ءبىزدىڭ ەلىمىزدى الەمدىك تسيفرلى كوشباسشىلار قاتارىنان كورىنۋگە مۇمكىندىك بەردى. قۇرمەتپەن، باعدات مۋسين”، – دەلىنگەن ەكس-ءمينيستردىڭ جازباسىندا.
