قازاقستاندىق بەلگىلى ساياساتتانۋشى - سانجار بوقاەۆ ۇكىمەتتى وتستاۆكاعا كەتۋگە شاقىردى، دەپ حابارلايدى "ادىرنا" ۇلتتىق پورتالىنىڭ ءتىلشىسى.
سانجار بوقاەۆ ءوز ينستاگرام پاراقشاسىندا قازاقستاندىقتارعا كەلەسىدەي ۇندەۋ تاستادى:
تەك وسى ءبىر جىلدىڭ ىشىندە عانا مەملەكەتتىك قارىزىمىز 25% - عا ءوسىپ كەتتى. حالىقتىڭ جاعدايى ءماز ەمەس. ينفلياتسيانى ۇستاي الماي كەتتى. ەكونوميكامىز قۇلدىراپ بارادى. ەڭ باستىسى، ءبىزدىڭ ازاماتتارىمىز شەت ەلدەرگە كوشىپ جاتىر! قايدا قاشىپ جاتىرمىز؟ بۇل ءبىزدىڭ جەرىمىز! ءبىزدىڭ ەلىمىز عوي! اتا-بابامىزدان قالعان جەرىمىز...
شەت ەلگە كوشىپ كەتۋگە مەنىڭ دە جاعدايىم بار. بىراق، مەن ەشقايدا دا كەتپەيمىن! ءدال، وسى ۇكىمەتتى مامينمەن قوسا، وتستاۆكاعا كەتۋىن تالاپ ەتەمىن! ۇندەمەي قويا سالۋعا بولمايدى! وسى تەندەنتسيا جالعاسا بەرەتىن بولسا، وندا ءبىز ەرتەڭ اۋعانستان بولامىز!
"تاۋەلسىزدىگىمىزدەن اجىرايمىز! مەن تەلەگرام-كانالىمدى اشتىم. (@BokaeVS) ەلىم ءۇشىن جۇمىس ىستەيمىز دەگەن ازاماتتار بار بولسا، بىرىگەيىك! بۇل بيلىككە سەنىم جوق! ءبىز ەرتەڭگى بولاشاعىمىزدى بىرگە قۇرايىق!" -دەپ مالىمدەمە جاسادى سانجار بوقاەۆ.
"ادىرنا" ۇلتتىق پورتالى
