Lauazymynan bosatylǧan ministr Baǧdat Musin äleumettık jelıdegı paraqşasynda jazba jariialady, dep habarlaidy "Adyrna" ūlttyq portaly.
Sifrlyq damu, innovasiialar jäne aeroǧaryş önerkäsıbınıŋ ministrı Baǧdat Musin bügın Prezident jarlyǧymen qyzmetınen bosatyldy.
“Menıŋ otstavkaǧa ketkenım turaly soŋǧy jaŋalyqty estıgen şyǧarsyzdar. Bırınşı kezekte elımızdegı maŋyzdy salanyŋ bırı – sifrlandyru salasyn basqarudy senıp tapsyrǧan jäne mümkındık bergen memleket basşysyna alǧys aitqym keledı. 2020 jyldan berı köp närse jasaldy jäne älı de jasalady. Bügınde Qazaqstandy älemdegı eŋ damyǧan sifrly elderdıŋ bırı dep aituǧa bolady. Būl aldymen käsıbi mamandar jinalǧan ülken komandanyŋ eŋbegı, bız olarmen bırge ösıp, qiyndyqtardy da, ülken jeŋısterdı de bölıstık. Sifrly servisterdı engızu üderısterıne jäne Sifrlyq damu jäne aeroǧaryş önerkäsıbı ministrlıgınıŋ damuyna qoldau körsetken, senım bıldırgen jäne qatysqan ärqaisyŋyzǧa rizamyn. Men qarapaiym qazaqstandyqtardyŋ ömırın jeŋıldetken jäne yŋǧaily etken jetıstıkterımızdı maqtan tūtamyn, būl ärine – sifrly memlekettık qyzmetter. Sonymen qatar bızdıŋ progressivtı sifrly önımderımız halyqaralyq deŋgeide atap ötıldı jäne bızdıŋ elımızdı älemdık sifrly köşbasşylar qatarynan körınuge mümkındık berdı. Qūrmetpen, Baǧdat Musin”, – delıngen eks-ministrdıŋ jazbasynda.
Ūqsas jaŋalyqtar
