ۆەتنامدا سۋ تاسقىنىنان قازا تاپقاندار سانى 72 ادامعا جەتتى. رەسمي مالىمەت بويىنشا، تابيعي اپات كەزىندە 13 ادام ءىز-ءتۇزسىز جوعالعان، دەپ حابارلايدى "ادىرنا".
قۇتقارۋ توپتارى داك لاك، كحان حوا جانە لام دونگ پروۆينتسيالارىندا ىزدەستىرۋ جۇمىستارىن جالعاستىرىپ جاتىر.
ۆەتنامنىڭ قۇرىلىس مينيسترلىگى 33 جولاۋشىلار پويىزىنىڭ جۇمىسى توقتاتىلعانىن، ال تەمىرجول جەلىسىنىڭ بىرنەشە بولىگىندە قوزعالىس ۋاقىتشا شەكتەلگەنىن مالىمدەدى.
الدىن الا ەسەپ بويىنشا، سۋ تاسقىنىنان كەلتىرىلگەن ەكونوميكالىق شىعىن شامامەن 9 تريلليون ۆەتنام دونگىن (358 ملن اقش دوللارى) قۇرايدى.
ينفراقۇرىلىم، تۇرعىن ۇيلەر مەن اۋىل شارۋاشىلىعى نىساندارىنا ەلەۋلى زيان كەلگەن.
بيلىك تابيعي اپات سالدارىن جويۋ جۇمىستارى جالعاسىپ جاتقانىن، جوعالعانداردى ىزدەۋ شارالارى كۇشەيتىلگەنىن حابارلادى.
ۇقساس جاڭالىقتار
