"جويىلعان اۋىل، قيراعان قارا شاڭىراق، قورقىنىش پەن ۋايىم. سۋ كەتكەنىمەن ارتىندا ۇلكەن الەۋمەتتىك ماسەلە قالدى. ول قاشان جانە قالاي شەشىلەتىنى بەلگىسىز… “تاسقىن مەن تاعدىر” – مەن تۇسىرگەن دەرەكتى فيلمدەر سەرياسىنىڭ ەكىنشى شىعارىلىمى. ەستەرىڭىزدە بولسا، وسى باعىتتاعى العاشقى تۋىندىم وڭتۇستىكتەن سولتۇستىككە كوشكەن جاندارعا ارنالعان ەدى. ول ۆيدەو “تەرىسكەي – بىزگە امانات” دەگەن اتاۋمەن شىققان", - دەلىنگەن جەلىدەگى جازبادا.
ەلىمىزدە سۋ تاسقىنى ۇيلەردى شايىپ، ادامدار قاۋىپسىز جەرگە ەۆاكۋاتسيالانعان. قازاقستاننىڭ سۋ باسقان 10 وبلىسىندا توتەنشە جاعداي جاريالاندى. بيلىك بيىلعى سۋ تاسقىنىن كولەمى جاعىنان "سوڭعى 80 جىلداعى ەڭ ءىرى تابيعي اپات" دەپ اتاعان.
27 ناۋرىز كۇنى ەلدىڭ بىرنەشە وڭىرىنەن تۇرعىندار توتەنشە جاعدايلار مينيسترلىگىنە سۋ تاسقىنىنا بايلانىستى حابارلاسا باستادى.
توپان سۋ كەزىندە 4 ادام قازا تاپقان. ونىڭ ىشىندە اكەلى-بالالى ءبىر ءۇيدىڭ ازاماتتارى دا بار. ال سۋ تاسقىنى جاعدايى ساقتالعان وڭىرلەردەگى وقۋشىلار قاشىقتىقتان وقۋعا كوشىرىلدى. پرەزيدەنت سۋ تاسقىنىنا قارسى ۋاقىتىلى شارا قابىلداماعانى ءۇشىن پرەمەر-ءمينيستردىڭ ءبىرىنشى ورىنباسارى رومان سكليارعا، سۋ رەسۋرستارى جانە يرريگاتسيا مينيسترى نۇرجان نۇرجىگىتوۆكە قاتاڭ سوگىس جاريالادى. اقتوبە، قوستاناي، باتىس قازاقستان، اتىراۋ، اقمولا، الماتى، پاۆلودار جانە اباي وبلىستارىنىڭ اكىمدەرىنە قاتاڭ سوگىس جانە قىزمەتتىك مىندەتتەرىنە تولىق ساي كەلمەۋىنە بايلانىستى ەسكەرتۋ بەردى
توتەنشە جاعدايلار ۆيتسە-ءمينيسترى باۋىرجان سىزدىقوۆ سۋ تاسقىنىنان زارداپ شەككەن تۇرعىنداردىڭ جاڭا ۇيلەرى قاۋىپسىز جەرگە سالىناتىنىن مالىمدەدى.
