"Joıylǵan aýyl, qıraǵan qara shańyraq, qorqynysh pen ýaıym. Sý ketkenimen artynda úlken áleýmettik másele qaldy. Ol qashan jáne qalaı sheshiletini belgisiz… “Tasqyn men taǵdyr” – men túsirgen derekti fılmder serııasynyń ekinshi shyǵarylymy. Esterińizde bolsa, osy baǵyttaǵy alǵashqy týyndym ońtústikten soltústikke kóshken jandarǵa arnalǵan edi. Ol vıdeo “Teriskeı – bizge amanat” degen ataýmen shyqqan", - delingen jelidegi jazbada.
Elimizde sý tasqyny úılerdi shaıyp, adamdar qaýipsiz jerge evakýaııalanǵan. Qazaqstannyń sý basqan 10 oblysynda tótenshe jaǵdaı jarııalandy. Bılik bıylǵy sý tasqynyn kólemi jaǵynan "sońǵy 80 jyldaǵy eń iri tabıǵı apat" dep ataǵan.
27 naýryz kúni eldiń birneshe óńirinen turǵyndar tótenshe jaǵdaılar mınıstrligine sý tasqynyna baılanysty habarlasa bastady.
Topan sý kezinde 4 adam qaza tapqan. Onyń ishinde ákeli-balaly bir úıdiń azamattary da bar. Al sý tasqyny jaǵdaıy saqtalǵan óńirlerdegi oqýshylar qashyqtyqtan oqýǵa kóshirildi. Prezıdent sý tasqynyna qarsy ýaqytyly shara qabyldamaǵany úshin Premer-Mınıstrdiń birinshi orynbasary Roman Sklıarǵa, Sý resýrstary jáne ırrıgaııa mınıstri Nurjan Nurjigitovke qatań sógis jarııalady. Aqtóbe, Qostanaı, Batys Qazaqstan, Atyraý, Aqmola, Almaty, Pavlodar jáne Abaı oblystarynyń ákimderine qatań sógis jáne qyzmettik mindetterine tolyq saı kelmeýine baılanysty eskertý berdi
Tótenshe jaǵdaılar vıe-mınıstri Baýyrjan Syzdyqov sý tasqynynan zardap shekken turǵyndardyń jańa úıleri qaýipsiz jerge salynatynyn málimdedi.
