تۇرمىستىق زورلىق-زومبىلىق قۇربانى بولعان سالتانات نۇكەنوۆا ءولىم اۋزىندا جاتقانىندا قۋاندىق بيشىمباەۆتىڭ كومەككە جۇگىنگەن كورىپكەلى گۇلنار ەرەجەپوۆا سوتتا جاۋاپ بەردى، دەپ حابارلايدى “ادىرنا” ۇلتتىق پورتالى.
جاۋاپ الۋ كەزىندە كورىپكەل مىناداي ماڭىزدى جايتتاردى باياندادى:
“بيشىمباەۆ ماعان سول كۇنى كەشكە دەيىن ىشىمدىك ءىشىپ، كەيىن توبەلەس شىققانىن ايتتى. ول ايەلىنىڭ جاعدايىن سيپاتتاۋدا تىم ساقتىقپەن سويلەدى. ءوز-وزىنە ۇقسامادى. داۋىس ىرعاعى دا باسقاشا بولدى. مەن وعان نەگە ماعان حابارلاسىپ جاتقانىن سۇرادىم، دارىگەردىڭ كومەگىنە جۇگىن دەدىم” دەپ جاۋاپ بەردى كورىپكەل.
كورىپكەلدىڭ ايتۋىنشا، بيشىمباەۆ سالتاناتتىڭ جاعدايىن سيپاتتاپ، ونىڭ قوزعالماي جاتقانىن، جاۋاپ بەرمەي تۇرعانىن ايتىپ، ونىڭ ساۋىعىپ كەتەتىنىن ايتىپ، جەدەل جاردەم شاقىرۋدان باس تارتقان.
كەيىن كورىپكەل بيشىمباەۆتىڭ اناسىنا تەلەفون سوعىپ، ۇلىنا بىردەڭە بولعانىن ەسكەرتكەن. اناسى قاتتى جىلاي باستاعان سوڭ، كورىپكەل تەلەفوندى قويعان.
