الماتى قالاسى، مەدەۋ اۋدانىنىڭ №2 اۋداندىق سوتىندا ەمحانا قىزمەتكەرلەرىنە قاتىستى اسا ءىرى مولشەردە جىمقىرۋ ارقىلى بوتەننىڭ مۇلكىن ۇرلادى دەگەن ايىپ بويىنشا قىلمىستىق ءىس قارالدى، دەپ جازادى "ادىرنا" ۇلتتىق پورتالى BAQ.KZ-كە سىلتەمە كورسەتە وتىرىپ.
سوتتا بەلگىلى بولعاندار، قىلمىسقا بارلىسى جوسپارلى تۇردە قادام باسقان. انىعىن ايتساق، قالالىق سوتتىڭ ءباسپاسوز قىزمەتىنىڭ مالىمەتىنشە، 2015-2022 جىل ارالىعىندا ەمحانانىڭ باس دارىگەرى ك. باس ەسەپشى ن. جانە كادر ءبولىمىنىڭ ينسپەكتورى س.-مەن الدىن الا قىلمىستىق كەلىسىم ورناتادى. ولار ءىس جۇزىندە جۇمىس ىستەمەيتىن 19 تۇلعانى قىزمەتكە تاعايىنداۋ تۋرالى بۇيرىقتاردى راسىمدەگەن. رەسمي تۇردە راسىمدەلگەن قىزمەتكەرلەردىڭ شوتتارىنا اي سايىن ەڭبەكاقى جىبەرىلىپ وتىرعان. قىلمىستىق ارەكەتكە بارعانداردىڭ بۇل قاراجاتتى ءوز قاجەتتىلىكتەرىنە جۇمساعانى انىقتالدى.
ك.، س.، ن. قۇقىققا قايشى ارەكەتتەرى ارقىلى مەملەكەتكە 79 ملن تەڭگەدەن استام شىعىن كەلتىردى.
زالالدى وتەۋ شارالارىن ەسكەرە وتىرىپ، ەكى تۇلعا 7 جىل مەرزىمگە شارتتى تۇردە باس بوستاندىعىنان ايىرىلدى. س.-عا 5 جىل مەرزىمگە ماتەريالدىق-جاۋاپتى لاۋازىمداردى اتقارۋ قۇقىعىنان ايىرۋ تۇرىندە قوسىمشا جازا تاعايىندالدى، ن. 5 جىل مەرزىمگە بۋحگالتەرلىك قىزمەتپەن اينالىسۋ قۇقىعىنان ايىرىلدى. سوت باس دارىگەر ك.-عا 7 جىل مەرزىمگە باس بوستاندىعىنان ايىرۋ جازاسىن تاعايىندادى، ول ورتا قاۋىپسىزدىك قاج مەكەمەسىندە جازاسىن وتەيتىن بولادى. سونداي-اق مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى، - دەلىنگەن سوت ۇكىمىندە.
سوت ۇكىمى زاڭدى كۇشىنە ەنگەن جوق.
"ادىرنا" ۇلتتىق پورتالى
