Turmystyq zorlyq-zombylyq qurbany bolǵan Saltanat Núkenova ólim aýzynda jatqanynda Qýandyq Bıshimbaevtyń kómekke júgingen kóripkeli Gúlnar Erejepova sotta jaýap berdi, dep habarlaıdy “Adyrna” ulttyq portaly.
Jaýap alý kezinde kóripkel mynadaı mańyzdy jaıttardy baıandady:
“Bıshimbaev maǵan sol kúni keshke deıin ishimdik iship, keıin tóbeles shyqqanyn aıtty. Ol áıeliniń jaǵdaıyn sıpattaýda tym saqtyqpen sóıledi. Óz-ózine uqsamady. Daýys yrǵaǵy da basqasha boldy. Men oǵan nege maǵan habarlasyp jatqanyn suradym, dárigerdiń kómegine júgin dedim” dep jaýap berdi kóripkel.
Kóripkeldiń aıtýynsha, Bıshimbaev Saltanattyń jaǵdaıyn sıpattap, onyń qozǵalmaı jatqanyn, jaýap bermeı turǵanyn aıtyp, onyń saýyǵyp ketetinin aıtyp, jedel járdem shaqyrýdan bas tartqan.
Keıin kóripkel Bıshimbaevtyń anasyna telefon soǵyp, ulyna birdeńe bolǵanyn eskertken. Anasy qatty jylaı bastaǵan soń, kóripkel telefondy qoıǵan.
