اباي ولەڭدەرىن وقۋ ەستافەتاسى قىزا ءتۇستى 

979

پرەزيدەنتتەن ەستافەتانى قابىل الدى قر مادەنيەت جانە سپورت ءمينيسترى اقتوتى رايىمقۇلوۆا اباي ولەڭدەرىن وقۋ ەستافەتاسىن جالعاستىردى، - دەپ حابارلايدى Tengrinews.kz ءتىلشىسى.

ەلىمىزدە شىعىس پەن باتىستىڭ مادەنيەتىن، وركەنيەتىن جەتىك بىلگەن دارا تۇلعا ابايدىڭ 175 جىلدىعى قارساڭىندا ۇلى اقىننىڭ ولەڭدەرىن جاتقا وقۋ ەستافەتاسى باستالعانى بەلگىلى. مەملەكەت باسشىسى اباي ولەڭدەرىن وقۋ ەستافەتاسىن ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان بولاتىن. ءوز كەششەگىندە ديماش قۇدايبەرگەن دە ەستافەتانى قابىل الدى.

https://www.instagram.com/p/Bzv9w9bAZIO/

 

قر مادەنيەت جانە سپورت ءمينيسترى قازاقستان پرەزيدەنتى قاسىم-جومارت توقاەۆتان ەستافەتانى قابىلداپ، ۇلى ابايدىڭ "قۇلاقتان كىرىپ، بويدى الار" ولەڭىن وقىدى.  ءوز كەزەگىندە ۆەدومستۆا باسشىسى ەستافەتانى جازۋشىلار وداعىنىڭ توراعاسى ۇلىقبەك ەسداۋلەتكە جانە قازاقستاننىڭ ەڭبەك ەرى، وليمپيادا چەمپيونى جاقسىلىق ۇشكەمپىروۆكە، سونىمەن قاتار ەلىمىزدىڭ مادەنيەت، ونەر، سپورت قايراتكەرلەرىنە جانە مايتالمان جاستارىنا جولدادى.

 

قر ءبىلىم جانە عىلىم ءمينيسترى اسحات ايماعامبەتوۆتىڭ اباي ولەڭدەرىن جاتقا وقۋ ەستافەتاسىن العاشقىلاردىڭ ءبىرى بولىپ م.و.اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، قر ەڭبەك سىڭىرگەن قايراتكەرى كەنجەحان ماتىجانوۆ قابىلداپ الدى.

 

م.و.اۋەزوۆ اتىنداعى ادەبيەت جانە ونەر ينستيتۋتىنىڭ جاستارى ۇلى اباي اندەرىن ورىنداۋ ەستافەتاسىن بارلىق عىلىمي، مادەني جانە وقۋ مەكەمەلەرىنىڭ جاستارىنا جولدايدى. وسىعان دەيىن، ءبىلىم جانە عىلىم ءمينيسترى اسحات ايماعامبەتوۆ پرەزيدەنت قاسىم-جومارت توقاەۆتان ەستافەتانى قابىل العان ەدى.  ءبىلىم جانە عىلىم ءمينيسترى اسحات ايماعامبەتوۆ اباي قۇنانباەۆتىڭ 175 جىلدىعىنا وراي ۇيىمداستىرىلعان ەستافەتانى قابىل الدى.

ەستافەتانىڭ ماقساتى - قازاقتىڭ ۇلى اقىنىنىڭ شىعارمالارىنان ءۇزىندى وقۋ.  مينيستر ەستافەتانى ءبىلىم جانە عىلىم سالاسىنداعى ماماندارعا، مۇعالىمدەرگە، جوو رەكتورلارىنا، سونداي-اق، وقۋشىلار مەن ستۋدەنتتەرگە جولدادى.  ايتا كەتەيىك، توقاەۆ وسى ەستافەتانى ءلايلىم شىراق ەسىمدى قىزدان قابىل الىپ، Instagram جەلىسىندەگى پاراقشاسىندا جاريالاعان ەدى.

https://www.instagram.com/tv/BzsknlnBloN/?utm_source=ig_embed

"ادىرنا" ۇلتتىق پورتالى

 

پىكىرلەر