Abaı óleńderin oqý estafetasy qyza tústi 

4071
Adyrna.kz Telegram

Prezıdentten estafetany qabyl aldy QR mádenıet jáne sport mınıstri Aqtoty Raıymqulova Abaı óleńderin oqý estafetasyn jalǵastyrdy, - dep habarlaıdy Tengrinews.kz tilshisi.

Elimizde Shyǵys pen Batystyń mádenıetin, órkenıetin jetik bilgen dara tulǵa Abaıdyń 175 jyldyǵy qarsańynda uly aqynnyń óleńderin jatqa oqý estafetasy bastalǵany belgili. Memleket basshysy Abaı óleńderin oqý estafetasyn bilim jáne ǵylym mınıstri Ashat Aımaǵambetovke, mádenıet jáne sport mınıstri Aqtoty Raıymqulovaǵa jáne búkil álemdi moıyndatqan talantty ánshi Dımash Qudaıbergenge joldaǵan bolatyn. Óz keeginde Dımash Qudaıbergen de estafetany qabyl aldy.

https://www.instagram.com/p/Bzv9w9bAZIO/

 

QR Mádenıet jáne sport mınıstri Qazaqstan Prezıdenti Qasym-Jomart Toqaevtan estafetany qabyldap, uly Abaıdyń "Qulaqtan kirip, boıdy alar" óleńin oqydy.  Óz kezeginde vedomstva basshysy estafetany Jazýshylar odaǵynyń tóraǵasy Ulyqbek Esdáýletke jáne Qazaqstannyń Eńbek Eri, Olımpıada chempıony Jaqsylyq Úshkempirovke, sonymen qatar elimizdiń mádenıet, óner, sport qaıratkerlerine jáne maıtalman jastaryna joldady.

 

QR bilim jáne ǵylym mınıstri Ashat Aımaǵambetovtyń Abaı óleńderin jatqa oqý estafetasyn alǵashqylardyń biri bolyp M.O.Áýezov atyndaǵy Ádebıet jáne óner ınstıtýtynyń dırektory, fılologııa ǵylymdarynyń doktory, QR Eńbek sińirgen qaıratkeri Kenjehan Matyjanov qabyldap aldy.

 

M.O.Áýezov atyndaǵy Ádebıet jáne óner ınstıtýtynyń jastary Uly Abaı ánderin oryndaý estafetasyn barlyq ǵylymı, mádenı jáne oqý mekemeleriniń jastaryna joldaıdy. Osyǵan deıin, Bilim jáne ǵylym mınıstri Ashat Aımaǵambetov Prezıdent Qasym-Jomart Toqaevtan estafetany qabyl alǵan edi.  Bilim jáne ǵylym mınıstri Ashat Aımaǵambetov Abaı Qunanbaevtyń 175 jyldyǵyna oraı uıymdastyrylǵan estafetany qabyl aldy.

Estafetanyń maqsaty - qazaqtyń uly aqynynyń shyǵarmalarynan úzindi oqý.  Mınıstr estafetany bilim jáne ǵylym salasyndaǵy mamandarǵa, muǵalimderge, JOO rektorlaryna, sondaı-aq, oqýshylar men stýdentterge joldady.  Aıta keteıik, Toqaev osy estafetany Láılim Shyraq esimdi qyzdan qabyl alyp, Instagram jelisindegi paraqshasynda jarııalaǵan edi.

https://www.instagram.com/tv/BzsknlnBloN/?utm_source=ig_embed

"Adyrna" ulttyq portaly

 

Pikirler