Prezidentten estafetany qabyl aldy QR mädeniet jäne sport ministrı Aqtoty Raiymqūlova Abai öleŋderın oqu estafetasyn jalǧastyrdy, - dep habarlaidy Tengrinews.kz tılşısı.
Elımızde Şyǧys pen Batystyŋ mädenietın, örkenietın jetık bılgen dara tūlǧa Abaidyŋ 175 jyldyǧy qarsaŋynda ūly aqynnyŋ öleŋderın jatqa oqu estafetasy bastalǧany belgılı. Memleket basşysy Abai öleŋderın oqu estafetasyn bılım jäne ǧylym ministrı Ashat Aimaǧambetovke, mädeniet jäne sport ministrı Aqtoty Raiymqūlovaǧa jäne bükıl älemdı moiyndatqan talantty änşı Dimaş Qūdaibergenge joldaǧan bolatyn. Öz keşegınde Dimaş Qūdaibergen de estafetany qabyl aldy.
https://www.instagram.com/p/Bzv9w9bAZIO/
QR Mädeniet jäne sport ministrı Qazaqstan Prezidentı Qasym-Jomart Toqaevtan estafetany qabyldap, ūly Abaidyŋ "Qūlaqtan kırıp, boidy alar" öleŋın oqydy. Öz kezegınde vedomstva basşysy estafetany Jazuşylar odaǧynyŋ töraǧasy Ūlyqbek Esdäuletke jäne Qazaqstannyŋ Eŋbek Erı, Olimpiada chempiony Jaqsylyq Üşkempırovke, sonymen qatar elımızdıŋ mädeniet, öner, sport qairatkerlerıne jäne maitalman jastaryna joldady.
https://youtu.be/AQY-M1-WfiY
QR bılım jäne ǧylym ministrı Ashat Aimaǧambetovtyŋ Abai öleŋderın jatqa oqu estafetasyn alǧaşqylardyŋ bırı bolyp M.O.Äuezov atyndaǧy Ädebiet jäne öner institutynyŋ direktory, filologiia ǧylymdarynyŋ doktory, QR Eŋbek sıŋırgen qairatkerı Kenjehan Matyjanov qabyldap aldy.
https://youtu.be/QMxKBPOaZbo
M.O.Äuezov atyndaǧy Ädebiet jäne öner institutynyŋ jastary Ūly Abai änderın oryndau estafetasyn barlyq ǧylymi, mädeni jäne oqu mekemelerınıŋ jastaryna joldaidy. Osyǧan deiın, Bılım jäne ǧylym ministrı Ashat Aimaǧambetov Prezident Qasym-Jomart Toqaevtan estafetany qabyl alǧan edı. Bılım jäne ǧylym ministrı Ashat Aimaǧambetov Abai Qūnanbaevtyŋ 175 jyldyǧyna orai ūiymdastyrylǧan estafetany qabyl aldy.
Estafetanyŋ maqsaty - qazaqtyŋ ūly aqynynyŋ şyǧarmalarynan üzındı oqu. Ministr estafetany bılım jäne ǧylym salasyndaǧy mamandarǧa, mūǧalımderge, JOO rektorlaryna, sondai-aq, oquşylar men studentterge joldady. Aita keteiık, Toqaev osy estafetany Läilım Şyraq esımdı qyzdan qabyl alyp, Instagram jelısındegı paraqşasynda jariialaǧan edı.
https://www.instagram.com/tv/BzsknlnBloN/?utm_source=ig_embed
"Adyrna" ūlttyq portaly
