الماتىدا تولەباەۆ كوشەسىندەگى cوۆەتتىك قازاقستان باسشىسى دىنمۇحامەد قوناەۆ تۇرعان ءۇي ساتىلۋدا دەگەن اقپارات تارادى. بۇل قانشالىقتى شىندىققا جاناسادى؟ “ادىرنا” ۇلتتىق پورتالى انىق-قانىعىن ءبىلدى.
krisha.kz پورتالىندا تولەباەۆ كوشەسى 119 ۇيدەگى پاتەردى ساتۋ تۋرالى حابارلاندىرۋ پايدا بولدى. 509 ميلليون 400 مىڭ تەڭگەگە باعالانعان 15 بولمەلى پاتەردىڭ اۋدانى 566 شارشى مەتردى قۇرايدى. ساتىلاتىن مۇلىكتىڭ جوندەۋدى قاجەت ەتەتىنى اتاپ وتىلگەن.
«التىن شارشى. تاريحي جەر. جەكە كىرەبەرىسى بار پاتەر، 2 قابات، سونىمەن قاتار جەرتولە، اۋلادا جەكە اۆتوتۇراعى بار. ءار قاباتتا جۋىناتىن بولمە بار. جوندەۋدى قاجەت ەتەدى. بۇل ايماقتىڭ ينفراقۇرىلىمى وتە دامىعان. جاقىن جەردە وپەرا تەاترى، سۋبۇرقاقتار، ساياباق الاڭدارى، «ستوليچنىي» دۇكەنى، ءارتۇرلى پروفيلدەگى مەكتەپتەر مەن گيمنازيالار، بانك فيليالدارى، سونداي-اق بوس ۋاقىتتى وتكىزۋگە ارنالعان كوپ ورىندار بار. باعاسىن كەلىسۋگە بولادى»، - دەلىنگەن جارناما ماتىنىندە.
سول عيماراتتا دىنمۇحامەد قوناەۆتىڭ مەموريالدىق مۇراجاي-پاتەرى ورنالاسقان. مۇندا ول 1969-1993 جىلدار ارالىعىندا ءومىر سۇرگەن. ساتىلىپ جاتقان د.قوناەۆ تۇرعان پاتەر ەمەس. بۇل جونىندە مۇراجايدىڭ ءباسپاسوز قىزمەتى جاۋاپ بەردى.
“ساتىلىمعا شىعارىلعان پاتەرلەر تولەباەۆ كوشەسى، 119 مەكەنجايداعى ءۇيدىڭ ءبىرىنشى كىرەبەرىسىندە ورنالاسقان. ال، قوناەۆتىڭ پاتەرى (قوناەۆتىڭ مەموريالدى مۋزەيى) وسى ءۇيدىڭ ەكىنشى كىرەبەرىسىندە ورنالاسقان. قوناەۆتىڭ مەموريالدى مۋزەيى الماتى قالاسىنىڭ مۋزەيلەر بىرلەستىگى» مەملەكەتتىك قازىنالىق كاسىپورنىنىڭ بالانسىندا جانە مەگاپوليستەگى كەلۋشىلەر سانى بويىنشا الدىڭعى قاتارداعى مۋزەيلەردىڭ ءبىرى بولىپ تابىلادى»،- دەلىنگەن حابارلامادا.
«جەلىدە مۋزەي-پاتەردى ساتۋعا قاتىستى تارالىپ جاتقان اقپارات شىندىققا جاناسپايدى. قۇرمەتتى باق وكىلدەرى جانە جەلى پايدالانۋشىلارى، تەكسەرىلمەگەن ءارى جالعان اقپاراتتى جارىسا جاريالاماۋلارىڭىزدى سۇرايمىز»،- دەپ قوسقان مۋزەيدىڭ ءباسپاسوز قىزمەتى.
ايتا كەتەيىك، بۇل پاتەردە 90-شى جىلدارى قازاقستاننىڭ تۇڭعىش پرەزيدەنتى نۇرسۇلتان نازارباەۆ تا تۇرعان. بۇل تۋرالى جۋرناليست راسۋل رىسمامبەتوۆ Facebook پاراقشاسىندا اتاپ ءوتتى.
“ساتىلىپ جاتقان قوناەۆتىڭ مۇراجاي-ءۇيى ەمەس. ءبارى شاتاستىرۋدا. كەزىندە قازاق كسر-ءى مەن قازاقستانداعى ەڭ ماڭىزدى پاتەر ساتىلۋدا، بىراق ونى ساتۋعا جانە جەكە مەنشىككە بەرۋگە بولمايدى دەپ ويلايمىن. بۇل ۇيدە دىنمۇحامەد احمەدۇلى قوناەۆ تۇرعان. ساتىلاتىن پاتەردە 90-شى جىلدارى نۇرسۇلتان نازارباەۆ تا تۇرعان. بۇل پاتەر دە، ۇيلەر دە تاريحي سيپاتقا يە. ەندى وعان قاسىم-جومارت كەمەلۇلىنىڭ اتىنا تىركەلۋ كەزەگى كەلگەندەي...”- دەپ جازدى راسۋل رىسمامبەتوۆ.
ءۇيدى ساتۋعا ارنالعان حابارلاندىرۋ اۆتورى - «الما-ينۆەست-حولدينگ» جشس. كومپانيانى الەكساندرا تسحاي يۋرەۆنا باسقارادى. كومپانيانىڭ قۇرىلتايشىلارى تۋرالى ناقتى مالىمەت جوق.
بۇدان بولەك، الەكساندر تسحايدىڭ اتىندا «AB Agro Invest» جشس جانە «دارين كونستراكشن» جشس كومپانيالارى بار. Shishkin_like Telegram ارناسىنىڭ حابارلاۋىنشا، العاشقى قۇرىلتايشىلار داريعا نازارباەۆا مەن ونىڭ مارقۇم ۇلى ايسۇلتان نازارباەۆ بولعان.
قازاقستاننىڭ ىلگەرىندى-كەيىندى باسشىلارى پايدالاندى دەگەن قىمبات مۇلىكتەر تۋرالى بۇدان بۇرىن دا ايتىلعان. بۇدان الدىن دىنمۇحامەد قوناەۆ قورىنىڭ قىزمەتكەرلەرى بەلگىلى كاسىپكەر كەڭەس راقىشەۆتىڭ قازاقستان كومپارتياسى ورتالىق كوميتەتىنىڭ ءبىرىنشى حاتشىسىنىڭ كولىگىن جەكەشەلەندىرىپ العانىن جانە ونى قايتارىپ بەرمەي وتىرعانىن مالىمدەگەن.
ال تۇڭعىش پرەزيدەنت نۇرسۇلتان نازارباەۆتىڭ العاشقى كولىگى دەلىنگەن Mercedes 600 SEL (Sonderschutz) GUARD B7 اۆتوكولىگى ساتىلىمدا جۇرگەنىن جاريالاعان ەدىك. اتالعان كولىك ءالى ساتىلماسا كەرەك، سايت بەتىنەن جارناماسى ءالى الىنباعان.
”ادىرنا” ۇلتتىق پورتالى
