قازاقستان مۇسىلماندارى ءدىني باسقارماسى شاريعات جانە ءپاتۋا ءبولىمى مەڭگەرۋشىسىنىڭ ورىنباسارى سانسىزباي قۇربانۇلى «ۋاقىت كورسەتەدى» باعدارلاماسىنا سۇحبات بەردى.
سۇحبات كەزىندە سانسىزباي قۇربانۇلى ءدىنتانۋشى قايرات جولدىبايۇلىنىڭ «تۇڭعىش پرەزيدەنتىمىز نۇرسۇلتان نازارباەۆ تۇركىستان جەرىندە جەرلەنۋگە لايىقسىز» دەگەن مالىمدەمەسىنە قاتىستى پىكىر ءبىلدىردى.
«ول ونى نەگە سۇيەنىپ ايتتى؟ شاريعاتتا ءبىرىنشى بۇكىل اۋليەلەر جينالىپ پايعامبار دارەجەسىنە جەتە المايدى. ەكىنشى ساحابالار دەيىك. ساحابا دەگەندەر پايعامباردىڭ كوزىن كورگەندەر. ودان كەيىن بارىپ تابين دەيدى باب دەيدى. پايعامبارىمىزدىڭ كەزىندە ساحابالاردىڭ ىشىندە ەكىجۇزدىلەر بولدى. ول ەكىجۇزدىلەردى باسقا جەرگە جەرلەگەن جوق بارىپ، سول اۋليەلەر جاتقان جەرگە جەرلەدى.
ەلباسىنىڭ قاتەسى، كەمشىلىگى بولعان شىعار. بىراق ول مۇسىلمان عوي. مۇسىلمان ادام مۇسىلماننىڭ قابىرىنە بارىپ جەرلەنەدى» دەدى ول.
سونداي-اق، قازاقستان مۇسىلماندارى ءدىني باسقارماسى شاريعات جانە ءپاتۋا ءبولىمى مەڭگەرۋشىسىنىڭ ورىنباسارى دىنتانۋشى قايرات جولدىبايۇلىنا ۇندەۋ جاسادى.
«قايرات باۋىرىمىز سويلەسە سويلەسىن. بىراق دالەلمەن سويلەسىن» دەيدى قۇربانۇلى.
ءوز ءسوزىن قازاقستان مۇسىلماندارى ءدىني باسقارماسىنىڭ وكىلى «جاتام دەسە جاتسىن. ول مەشىت، مەدرەسە سوعىپ، ەلگە قىزمەت ەتىپ جاتىر عوي» دەپ تۇيىندەدى.
اقپارات kznews.kz سايتىنان الىندى.
