قازاقستاندا سۋ تاسقىنىنان قازا تاپقانداردىڭ سانى قانشا؟ بۇل سۇراققا بۇگىن، 18 ءساۋىر سەنات وتىرىسىندا ىشكى ىستەر ءمينيسترىنىڭ ۆيتسە ءمينيسترى مارات قوجاەۆ جاۋاپ بەردى، دەپ حابارلايدى “ادىرنا” ۇلتتىق پورتالى.
"بۇل مالىمەتتەردىڭ ءبارى باق-تا جاريالاندى. مىسالى، اتىراۋ وبلىسىندا 4 ادام، ال تۇركىستان وبلىسىندا كىشكەنتاي بالا سۋعا باتىپ كەتتى. ال وسى فاكتىلەر بويىنشا قىلمىستىق ءىس قوزعالدى. الدىن الا تەرگەۋ ءجۇرىپ جاتىر", – دەپ جاۋاپ بەردى مارات قوجاەۆ جۋرناليستەردىڭ سۇراعىنا.
ودان بولەك، جۋرناليستەر اباي وبلىسىنىڭ اياگوز اۋدانىندا 2 ادام تراكتورعا باتىپ كەتكەن وقيعانى ەسكە سالدى.
"بۇل فاكتىلەر بويىنشا قىلمىستىق ءىس قوزعالىپ، تەرگەۋ قورىتىندىسىنا سايكەس شەشىم شىعارىلادى", – دەدى ۆيتسە-مينيستر.
وسىلايشا، ىشكى ىستەر مينيسترلىگى قازاقستاندا سۋ تاسقىنى سالدارىنان 7 ادامنىڭ قازا تاپقانىن مالىمدەدى.
