پرەمەر-مينيستر ۇكىمەت وتىرىسىندا جەرگىلىكتى بيلىككە بىرنەشە تاپسىرما جۇكتەدى، دەپ حابارلايدى "ادىرنا" ۇلتتىق پورتالى.
ۇكىمەت باسشىسى ولجاس بەكتەنوۆ وتكەن اپتادا سولتۇستىك قازاقستان وبلىسىنا بارعانىن، ونداعى ۇيلەردىڭ جوندەۋ جانە قۇرىلىس جۇمىستارىنىڭ قارقىنى جاقسى ەكەنىن اتاپ ءوتتى. دەگەنمەن ول وزگە ءوڭىردىڭ اكىمدەرىنە شۇيلىكتى.
«تاعى دا ەسكە سالامىن – جاز مەزگىلى قىسقا، ءبارىن بەلگىلەنگەن مەرزىمدە، ءارى ساپالى ەتىپ جاساۋعا ءبىراز ۋاقىت كەرەك بولادى. وكىنىشكە قاراي، جەرگىلىكتى بيلىك ورگاندارىنىڭ جۇمىسىندا سالعىرتتىق، شەشىم قابىلداۋدا باياۋلىق، ۇيىمداستىرۋ ىسىندە السىزدىك بايقالادى. اسىرەسە باتىس قازاقستان جانە اتىراۋ وبلىستارىنىڭ جۇمىسىن جانداندىرۋ كەرەك»، - دەدى بەكتەنوۆ ۇكىمەت وتىرىسىندا.
ودان بولەك، تاسقىن كەزىندە قولدانىلعان ۇيىندىلەردى دە ىسكە اسىرۋدى تاپسىردى.
«سونداي-اق، كوپتەگەن وڭىردە سۋ تاسقىنىمەن كۇرەسۋ ءۇشىن قۇم مەن سازدان ۇيىندىلەر جاسالدى، توپىراق سالىنعان قاپتار پايدالانىلدى. ەندىگى كەزەكتە اكىمدىكتەر ءبارىن وركەنيەتتى تۇرگە كەلتىرۋ كەرەك. ەكولوگياعا زيان كەلتىرمەس ءۇشىن بارلىق قاپشىقتى الىپ تاستاپ، كادەگە جاراتۋ قاجەت»، - دەپ تاپسىردى پرەمەر.
