كوزاچكوۆ توقاەۆقا تاعى ۇندەۋ جولدادى

2442
Adyrna.kz Telegram

قاماۋدا وتىرعان جۋرناليست ميحايل كوزاچكوۆ پرەزيدەنتكە تاعى ۇندەۋ جولدادى، دەپ حابارلايدى “ادىرنا” ءتىلشىسى.

“قۇرمەتتى قاسىم-جومارت كەمەلۇلى!

مازالاعانىم ءۇشىن كەشىرىم سۇرايمىن. مەن جۋرناليست ميحايل كوزاچكوۆ سىزگە جۇگىنەمىن. 18 جەلتوقسان كۇنى جاساماعان قىلمىسقا كۇدىكتى رەتىندە قامالدىم. بىراق بۇگىن مەن باسقا نارسە تۋرالى جازعىم كەلەدى. مەنىڭ بولجامدى قىلمىستارىمدى تەرگەۋمەن قارجى مونيتورينگى اگەنتتىگىنىڭ جەدەل-تەرگەۋ توبى اينالىسادى. وكىنىشكە قاراي، قما قىزمەتكەرلەرى مەنىڭ قۇقىقتارىمدى ءجيى بۇزاتىنى سونشا، ولاردىڭ ارەكەتتەرى تۋرالى سىزگە شاعىمدانۋعا ءماجبۇرمىن”، – دەپ جازدى كوزاچكوۆ.

ونىڭ ايتۋىنشا، ول ۇستالعان كۇنى جانە ءۇيدى ءتىنتۋ كەزىندە دە ادۆوكات بولماعان.

اگەنتتىك قىزمەتكەرلەرى كوزاچكوۆتىڭ بالالارىنىڭ كومپيۋتەرى مەن پلانشەتىن تاركىلەگەن. بۇل بالالاردىڭ ءبىلىم الۋىنا كەرى اسەرىن تيگىزگەنىن ايتادى.

“مەن ەكى اپتا بولعان تەرگەۋ يزولياتورىنىڭ كامەراسىنان راديو ميكروفون تاپتىم، ءتىپتى تۇرمەدە وتىرعاندا دا مەن ۇنەمى باقىلاۋدا بولامىن دەگەن ويعا كەلدىم. قما قىزمەتكەرلەرى مەنىڭ اپكەلەرىمە ءتىنتۋ جۇرگىزگەن. ولاردىڭ بىرەۋى كۋالىك بەرۋدەن باس تارتقانىنا قاراماستان، جاۋاپ الىندى”، – دەپ جازدى ول.

پىكىرلەر