بىشكەكتىڭ ۆيتسە-مەرى زاڭسىز سالىنعان كوممەرتسيالىق نىساندارعا قامقورلىق جاساعانى ءۇشىن ۇستالدى، دەپ حابارلايدى "ادىرنا" ءتىلشىسى dostuk.media-عا سىلتەپ.
قىرعىزستاندىق شەنەۋنىك ماقساتبەك سازىقۇلوۆ زاڭسىز سالىنعان كوممەرتسيالىق نىساندارعا قامقورلىق جاساعانى ءۇشىن ۇستالعانى ايتىلدى.
بىشكەك اكىمى ايبەك دجۋنۋشاليەۆ ورىنباسارىنىڭ ىسىنە قاتىستى وقيعاعا پىكىر ءبىلدىردى.
«مۇنىڭ ءبارى مەن كەلگەنگە دەيىن بولدى. مەن ەشتەڭە ايتا المايمىن، سوت شەشىمىن كۇتۋىمىز كەرەك. بىراق ءاربىر مەملەكەتتىك جانە مۋنيتسيپالدىق قىزمەتكەر ادال جانە اشىق جۇمىس ىستەپ، ەشقانداي كەلەڭسىز ىستەرگە ارالاسپاۋى كەرەك ەكەنىن ايتقىم كەلەدى»، — دەدى اكىم دجۋنۋشاليەۆ.
وزبەكستاننىڭ ۇقك شەنەۋنىكتىڭ نەگە ايىپتالعانىن حابارلادى.
«اتاپ ايتقاندا، س.م.ش. زاڭسىز تۇردە ءوز قۇزىرەتىنىڭ شەگىنەن شىعىپ، كاسىپكەرلەرگە قالا ورتالىعىنان كوممۋنالدىق جەر تەلىمىن بەرۋ تۋرالى تاپسىرما بەرگەن. جەردىڭ نارىقتىق قۇنى بۇگىندە 200 مىڭ اقش دوللارىنان اسادى»، - دەلىنگەن حابارلامادا.
