اقش-تىڭ رەسەيگە قارسى سانكتسيالارى قازاقستانعا قاۋىپ توندىرمەيدى. بۇل تۋرالى سىرتقى ىستەر ءمينيسترىنىڭ ورىنباسارى الماس ايداروۆ ايتتى، دەپ حابارلايدى “ادىرنا” ۇلتتىق پورتالى.
سوڭعى سانكتسيالار پاكەتىنەن قازاقستانعا ەشقانداي قاۋىپ-قاتەر تونبەيدى. سونداي-اق سانكتسيا سالۋدىڭ العىشارتتارى جوق، - دەدى سىرتقى ىستەر ءمينيسترىنىڭ ورىنباسارى الماس ايداروۆ.
ونىڭ ايتۋىنشا، سىرتقى ىستەر مينيسترلىگى رەسەيگە قارسى سانكتسيالار ەنگىزىلگەن كۇننەن باستاپ بۇل ۇدەرىستى بەلسەندى تۇردە باقىلاپ وتىرادى.
ءبىز سانكتسيالاردان جالتاراتىن نەمەسە ونى جاسىراتىن ارەكەتتەرگە بارمايمىز. سونىمەن قاتار رەسەيمەن ءداستۇرلى ەكونوميكالىق قارىم-قاتىناسىمىزدى جالعاستىرامىز، - دەدى ايداروۆ.
ول قازاقستان 2022 جىلدان باستاپ رەسەيگە اسكەري تاۋارلاردى جەتكىزۋگە تىيىم سالعانىن ايتتى. قوسارلى ماقساتتاعى تاۋارلار ءۇشىن ارنايى سەرتيفيكاتتاۋ ەنگىزىلدى، ياعني ولاردى ەكسپورتتاۋ ءۇشىن ارنايى رۇقسات قاجەت. سونىمەن قاتار، ەلەكتروندى شوت-فاكتۋرالار (ESIs) قازاقستاننان نەمەسە قازاقستان ارقىلى جونەلتىلەتىن بارلىق تاۋارلاردى باقىلايدى.
سونداي-اق، مەملەكەتتىك كىرىستەر كوميتەتىنىڭ بارلىق جۇيەلەرىنە تاۋەكەلدەردى باسقارۋ جۇيەسى ەنگىزىلدى. بۇل جۇيە زاڭسىز ارەكەت جاسايتىن كومپانيالاردى انىقتايدى.
