پاۆلودار وبلىسىنىڭ شولاقسور اۋىلىن سۋ باسۋى مۇمكىن. بۇل Pavlodarnews.kz باسىلىمى جازدى، دەپ حابارلايدى “ادىرنا”.
اقپاراتقا سايكەس، سىلەتى سۋ قويماسىن اۋەدەن تەكسەرىلدى.
اۋەدەن باقىلاۋ سىلەتى سۋ قويماسىنا قۇيىلاتىن جانە اعىپ شىعاتىن سۋلاردىڭ اعىنىن ەسكەرە وتىرىپ، جينالعان سۋدىڭ كولەمىنە تالداۋ جاساۋعا مۇمكىندىك بەردى. بۇگىنگى تاڭدا سۋ قويماسىندا جينالعان سۋدىڭ كولەمى 201 ملن تەكشە مەتردى نەمەسە 87% قۇرايدى.
اقمولا وبلىسىنداعى سىلەتى سۋ قويماسىنان جىبەرىلەتىن سۋدىڭ ۇلعايۋ قاۋپىنە بايلانىستى بيىلعى سۋ تاسقىنى ماۋسىمىندا شولاقسور اۋىلىن سۋ باسۋ مۇمكىن دەگەن قاۋىپ بار.
بارلىق سۋ باسۋ قاۋپى بار ۋچاسكەلەر تەكسەرىلىپ، سىلەتى وزەنىندە سانيتارلىق سۋ جىبەرۋ دايىندىعى، سونداي-اق، بارلىق سۋ تاسقىنىنا قارسى ءىس-شارالاردى وتكىزۋ ءۇشىن كەلگەن كۇشتەر مەن ازاماتتىق قورعاۋ قىزمەتى توپتارىنىڭ دايىندىعى زەردەلەندى.
ايتا كەتەيىك، ايماق اۋماعىندا سۋ تاسقىنى كەزەڭىنە تاۋلىك بويى باقىلاۋ جۇرگىزىلۋدە، بارلىق قاجەتتى كۇشتەر مەن قۇرالدار جۇمىلدىرىلدى.
