قارعىن سۋدىڭ سالدارىنان جامبىل وبلىسى سارىسۋ اۋدانىندا سۋ تاسىدى. بۇل تۋرالى جۋرناليست داۋرەن داريابەك Facebook پاراقشاسىندا جازىپ، ۆيدەو جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، سارىسۋ اۋدانىندا شتاب قۇرىلعان.
“ۇلكەندەر ءبىزدىڭ اۋىلدا «زونتيك» بار دەۋشى ەدى. يا، ىرگەنىڭ بارىنە جاۋعان جاڭبىر ءبىزدى اينالىپ وتەتىن. اڭىزاق جەل كەپتىرگەن سورتاڭدار سۋعا شولدەپ جاتاتىن. بىراق كەشە جاۋعان جاڭبىرعا قاراپ زونتيك تەسىلىپ كەتكەن-اۋ دەپ جاتىرمىز.
يتاۋىز جايلاۋىندا قارعىن سۋدىڭ جينالۋ كەزى ۆيدەوعا ءتۇسىپ قالىپتى. سارىسۋ اۋدانىندا شتاب قۇرىلعان. جاڭاتاس پەن ساۋداكەنت اراسىنداعى جول جابىق.
ءبىر ۆيدەودا تويعا باراتىن حالىق جەتە الماي تۇر. الىس ءارى تەگىس جول بار، بىراق 150 شاقىرىمداي شىعادى (ودامان ىرگەسىندەگى شىمكەنت تراسساسى-جارتىتوبە-شولاققورعان-قۇمكەنت ارقىلى اينالۋعا بولادى); جولسىز قارا سوقپاقپەن قىزىلديحانعا جەتىپ، ودان ءارى جايىلما ارقىلى جەتۋگە بولادى”، دەپ جازدى داۋرەن داريابەك.
