قارجىلىق مونيتورينگ اگەنتتىگى گيدروتەحنيكالىق نىسانداردى سالۋعا بولىنگەن 1 ملرد تەڭگەدەن اسا قارجىنىڭ جىمقىرىلاعانىن انىقتادى، دەپ حابارلايدى "ادىرنا" ءتىلشىسى.
ەندى سوعان ساي تەكسەرۋ باستالماق.
مۇنداي تاپسىرمانى اگەنتتىك باسشىسى دميتري مالاحوۆ بەردى.
سەبەبى سۋ تاسقىنىنىڭ سالدارىن جويۋعا بولىنگەن قاراجاتتى جىمقىرۋ فاكتىسى تىركەلگەن. ول اقشانىڭ قايدا كەتكەنىن ساپالى تەكسەرۋ مەن باعالاۋدى قامتاماسىز ەتۋ قاجەتتىگىن ايتىپ ءوتتى.
"اگەنتتىكتىڭ اۋماقتىق دەپارتامەنتتەرىنىڭ باسشىلارى مەملەكەتتىك ورگاندار مەن شارۋاشىلىق سۋبەكتىلەرىنىڭ قىزمەتىنە ارالاسپاي، بوگەتتەر، سۋ بۇرۋ وبەكتىلەرىن سالۋ، سونداي-اق وزەن ارنالارىن تەرەڭدەتۋ ءۇشىن اقشانى ۇتىمدى پايدالانۋدى زەردەلەۋى قاجەت", - دەپ تاپسىردى د.مالاحوۆ.
مەملەكەت باسشىسىنىڭ تاپسىرماسى بويىنشا سۋ تاسقىنى سالدارىنا ۇكىمەت، كۆازيمەملەكەتتىك كومپانيالار، كاسىپكەرلەر، قوعامدىق قورلار 140 ملرد تەڭگەدەن استام قارجى ءبولدى.
دەگەنمەن قارجىلىق مونيتورينگ ورگاندارى الماتى قالاسىندا، اقتوبە، قىزىلوردا جانە ۇلىتاۋ وبلىستارىندا جىمقىرۋ بەلگىلەرى بويىنشا ءتورت ءىس قوزعاعان. سالدارىنان 5 ادام كۇدىكتى دەپ تانىلىپ، كەلتىرىلگەن زالالدىڭ جالپى سوماسى 1 ملرد تەڭگەدەن اسقانى انىقتالدى.
