بۇل كۇننىڭ تاڭدالۋى كەزدەيسوقتىق ەمەس، ءدال وسى كۇنى كورنەكتى قازاقستاندىق عالىم-گەولوگ، قازاقستان عىلىم اكادەمياسىنىڭ تۇڭعىش پرەزيدەنتى قانىش ساتباەۆ دۇنيەگە كەلدى. ول ەلىمىزدىڭ گەولوگيالىق، عىلىمي، مادەني جانە تاريحي سالالارىنا باعا جەتپەس ۇلەسىن قوستى.
ۇلى عالىمنىڭ بۇگىندە قازاقستاندىق عىلىمدى دامىتىپ جۇرگەن كوپتەگەن ءىزباسارلارى بار. ءبىز ءوز ىسىنە شىن بەرىلگەن جانە عىلىمنىڭ دامۋىنا ۇلكەن ۇلەس قوساتىن عالىمدارىمىزدى ماقتان تۇتامىز. بيىل قوعام قايراتكەرىنىڭ تۋعانىنا 125 جىل تولادى جانە مەرەيتويىنا وراي وبلىس بويىنشا ءتۇرلى ءىس-شارالار وتكىزىلەدى.
بۇگىن قاراعاندى قالاسىندا قانىش ساتباەۆ ەسكەرتكىشىنە، ونىڭ 125 جىلدىعىنا ارنالعان گۇل شوقتارىن قويۋ ءراسىمى ءوتتى. ۇلى قازاق عالىمىن شىعارماشىلىق جانە عىلىمي زيالى قاۋىم وكىلدەرى، قوعام قايراتكەرلەرى، اقساقالدار مەن وبلىس باسشىلىعى ەسكە الىپ، قۇرمەت كورسەتتى.
جوعارى وقۋ ورىندارىندا قانىش ساتباەۆتىڭ 125 جىلدىعىنا ارنالعان بىرقاتار عىلىمي ءىس - شارالار وتكىزىلدى:
1. ابىلقاس ساعىنوۆ اتىنداعى قاراعاندى تەحنيكالىق ۋنيۆەرسيتەتىندە «قازاقستان-2050» ستراتەگياسىن جۇزەگە اسىرۋعا جاستار عىلىمىنىڭ قوسقان ۇلەسى» اتتى رەسپۋبليكالىق عىلىمي ستۋدەنتتىك كونفەرەنتسيا ءوتتى (11 ءساۋىر);
2. قازتۇتىنۋوداعى قاراعاندى ۋنيۆەرسيتەتىندە – «زاماناۋي جاستار: يننوۆاتسيانى قالىپتاستىرىپ، بولاشاققا ۇمتىلۋ» حالىقاارالىق ستۋدەنتتەر سلەتى (11-12 ءساۋىر).
13 ساۋىردە بۇقارجىراۋ اۋدانىندا ق.ساتباەۆ اتىنداعى مەكتەپتىڭ قابىرعاسىندا مۋرالدىڭ اشىلۋى وتەدى.
سونىمەن قاتار، وبلىس كىتاپحانالارىندا جىل بويى تاقىرىپتىق كورمەلەر، ءبىلىم بەرۋ مەكەمەلەرىندە سىنىپ ساعاتتارى، پىكىرتالاس تۋرنيرلەرى، كۋراتورلىق ساعاتتار، عىلىمي جوبالار، كونكۋرستار، دوڭگەلەك ۇستەلدەر جانە ت.ب. ۇيىمداستىرىلادى.
