Bul kúnniń tańdalýy kezdeısoqtyq emes, dál osy kúni kórnekti qazaqstandyq ǵalym-geolog, Qazaqstan Ǵylym akademııasynyń tuńǵysh prezıdenti Qanysh Sátbaev dúnıege keldi. Ol elimizdiń geologııalyq, ǵylymı, mádenı jáne tarıhı salalaryna baǵa jetpes úlesin qosty.
Uly ǵalymnyń búginde qazaqstandyq ǵylymdy damytyp júrgen kóptegen izbasarlary bar. Biz óz isine shyn berilgen jáne ǵylymnyń damýyna úlken úles qosatyn ǵalymdarymyzdy maqtan tutamyz. Bıyl qoǵam qaıratkeriniń týǵanyna 125 jyl tolady jáne mereıtoıyna oraı oblys boıynsha túrli is-sharalar ótkiziledi.
Búgin Qaraǵandy qalasynda Qanysh Sátbaev eskertkishine, onyń 125 jyldyǵyna arnalǵan gúl shoqtaryn qoıý rásimi ótti. Uly qazaq ǵalymyn shyǵarmashylyq jáne ǵylymı zııaly qaýym ókilderi, qoǵam qaıratkerleri, aqsaqaldar men oblys basshylyǵy eske alyp, qurmet kórsetti.
Joǵary oqý oryndarynda Qanysh Sátbaevtyń 125 jyldyǵyna arnalǵan birqatar ǵylymı is - sharalar ótkizildi:
1. Ábilqas Saǵynov atyndaǵy Qaraǵandy tehnıkalyq ýnıversıtetinde «Qazaqstan-2050» strategııasyn júzege asyrýǵa jastar ǵylymynyń qosqan úlesi» atty respýblıkalyq ǵylymı stýdenttik konferenııa ótti (11 sáýir);
2. Qaztutynýodaǵy Qaraǵandy ýnıversıtetinde – «Zamanaýı jastar: ınnovaııany qalyptastyryp, bolashaqqa umtylý» halyqaaralyq stýdentter sleti (11-12 sáýir).
13 sáýirde Buqarjyraý aýdanynda Q.Sátbaev atyndaǵy mekteptiń qabyrǵasynda mýraldyń ashylýy ótedi.
Sonymen qatar, oblys kitaphanalarynda jyl boıy taqyryptyq kórmeler, bilim berý mekemelerinde synyp saǵattary, pikirtalas týrnırleri, kýratorlyq saǵattar, ǵylymı jobalar, konkýrstar, dóńgelek ústelder jáne t.b. uıymdastyrylady.
