Eýropalyq Odaq Qazaqstandaǵy sý tasqynynan zardap shekkenderge gýmanıtarlyq kómek kórsetti, dep habarlaıdy "Adyrna" tilshisi «IA Novostı-Kazahstan»-ǵa siltep.
Gýmanıtarlyq kómek 127 427 eýro kóleminde kórsetken.
«2015 jyldyń sáýir aıynda Qazaqstannyń ortalyq jáne soltústik aımaqtarynda bolǵan sý tasqynyna baılanysty Eýropalyq komıssııa sý tasqynynan eń kóp zardap shekken halyqqa kómek kórsetý úshin 127 427 eýro kóleminde gýmanıtarlyq kómek bóldi», - delingen habarlamada.
Aqparatqa sáıkes, EO-nyń bul qarjylandyrýy Qazaqstan Respýblıkasynyń Qyzyl Jarty Aı Qoǵamyna asa qajetti kómekti, onyń ishinde túrli taýarlarmen qoldaý kórsetedi.
«Aldaǵy úsh aıda kómek eń aldymen 1000-ǵa jýyq eń osal otbasylarǵa, sonyń ishinde áıelder basqaratyn, kóp balaly nemese qart adamdary bar otbasylarǵa, sondaı-aq úıleri aıtarlyqtaı qıraǵan nemese múlki buzylǵan otbasylarǵa beriledi», - delingen baspasóz habarlamasynda.
