«تەحنودوم» كومپانياسى اۋتيزممەن اۋىراتىن بالالارعا ۋلترابۋك سىيلادى

2380
Adyrna.kz Telegram

«ميلوسەرديە» ەرىكتىلەر قوعامى» قق-نىڭ ۇيىمداستىرۋىمەن دۇنيەجۇزىلىك اۋتيزم تۋرالى اقپاراتتاندىرۋ (World Autism Awareness Day) كۇنىنە ارنالعان كونتسەرتتە «تەحنودوم» كومپانياسى اۋتيزممەن اۋىراتىن بالالارعا بەس ۋلترابۋك سىيعا تارتتى. شارا الماتىداعى قر تۇڭعىش پرەزيدەنتى قورىنىڭ ۇلكەن زالىندا ءوتتى، دەپ جازادى "ادىرنا" ۇلتتىق پورتالى 

كونتسەرتتە بالالار ءاۋتيزمدى جەڭۋگە دەگەن ۇمتىلىس، نيەتىمەن، ەڭبەكتەرىنىڭ ناتيجەسىمەن كورەرمەندەردى تاڭ قالدىردى. بۇل جىگىتتەر قاراپايىم بالالارعا وڭاي بولىپ كورىنەتىن كوپتەگەن داعدىلاردى مەڭگەرۋگە تىرىستى. ويتكەنى، ولار العاشقى كەزدە ءتىپتى سويلەمەيتىن،، ەستىمەيتىن/سويلەسە المادى. ال بۇگىن ولار ساحنادا كوپشىلىكتىڭ الدىندا ونەر كورسەتەدى! جانە وتە تاماشا ونەر كورسەتەدى!


اۋتيزم – بۇگىندە بۇكىل ادامزات بەتپە-بەت كەلىپ وتىرعان ماسەلە، اۋتيزمگە شالدىققان ادامدارعا كومەك كورسەتۋ، الەۋمەتتەندىرۋ، بەيىمدەۋ جانە وڭالتۋ ماسەلەسى ءار مەملەكەتتىڭ الدىندا تۇر. قازاقستاندا ەرتە دياگنوستيكا بويىنشا كوپتەگەن پروبلەمالاردىڭ بولۋى، ۋاقتىلى كومەك كورسەتۋ جۇيەسى مەن مامانداردىڭ جەتىسپەۋى، كىمگە جانە قالاي كومەكتەسۋ كەرەكتىگىن انىقتاپ، بالالارعا كومەكتەسەتىن ناقتى مەحانيزمنىڭ جوقتىعى ءاۋتيزمدى بارىنشا جەڭۋ باعىتىندا جاعدايدى ودان سايىن قيىنداتادى.

ءاۋتيزمدى ەمدەۋ تەك مامانداردىڭ - نەۆروپاتولوگتاردىڭ، پسيحولوگتاردىڭ، لوگوپەدتەردىڭ جانە باسقالاردىڭ كومەگىن عانا قاجەت ەتپەيدى. اۋتيزممەن اۋىراتىن بالالار ەگەر بۇكىل وتباسى كۇندەلىكتى ومىردە بالامەن قارىم-قاتىناستى قۇرۋ تۋرالى قاجەتتى ءبىلىم مەن داعدىلاردى مەڭگەرگەن جاعدايدا عانا وڭالتۋ بويىنشا ىلگەرىلەۋگە مۇمكىندىگى بار. بالالار وتباسىندا، ۇيدە - ەڭ جاقىن ادامدارمەن جانە كۇندەلىكتى ومىردە بىرلەسكەن ءۇي جۇمىستارى مەن ءىس-ارەكەتتەر ارقىلى، سىرتقى الەممەن قارىم-قاتىناس جاساۋدى ۇيرەنۋ، مىنەز-قۇلىق پروبلەمالارىن جەڭۋ ارقىلى ءبىلىم العاندا، ەسەيگەن كەزدە ءوز مۇمكىندىكتەرىن تولىق ىسكە اسىرۋى كەرەك. ال زاماناۋي تەحنولوگيانى پايدالانا ءبىلۋ – بۇل ەمدەۋدىڭ ماڭىزدى اسپەكتىسى.

2013 جىلى الماتى قالاسىنداعى ەرەكشە بالالاردى تاربيەلەپ وتىرعان اتا-انالاردىڭ باستاماسى «Samruk-Kazyna Trust» اجدق قولداۋىمەن «ميلوسەرديە» ەرىكتىلەر قوعامى» قق-نىڭ «ءاۋتيزمدى جەڭەيىك!» تولىققاندى جوباسى رەتىندە قالىپتاستى. مۇنداعى «ءبىز ءاۋتيزمدى جەڭەمىز!» ورتالىعى جۇمىسىنان (كۇن سايىن جۇزدەن استام بالا وقيدى) بولەك، ينتەرنەت ارقىلى تاجىريبە مەن ءبىلىم بەرىلىپ، وڭىرلەردە كوشپەلى سەمينارلار وتكىزىلەدى.

بالالاردىڭ جەتىستىكتەرى - ماماندار مەن اتا-انالاردىڭ وراسان زور ەڭبەگىنىڭ ناتيجەسى. بالالاردىڭ 100% -ىندا دامۋ ديناميكاسى، سويلەي الۋ قابىلەتى ىسكە قوسىلادى. 2 جىل ىشىندە توعىز تۇلەك (30%) ادەتتەگى بالاباقشالارعا بارا باستادى، بالالاردىڭ 30% -نان اسب دياگنوزى الىنىپ تاستالدى.

"ادىرنا" ۇلتتىق پورتالى

پىكىرلەر