Memleket basshysy Qasym-Jomart Toqaev Reseı prezıdentimen telefon arqyly baılanysty, dep habarlaıdy "Adyrna" tilshisi Aqordaǵa siltep.
Memleketter basshylary Toqaev pen Pýtın eki el arasyndaǵy kópjosparly yntymaqtastyqtyń qazirgi jaı-kúıin jáne damý perspektıvasyn talqylady.
Áńgimelesý barysynda eki prezıdent shekara mańyndaǵy óńirlerde oryn alǵan sý tasqyny jaǵdaıyn talqylady. Nátıjesinde Úkimet basshylaryna tabıǵı apatqa qarsy kúreste ózara yqpaldastyqty nyǵaıtý tapsyryldy.
Sonymen qatar memleketter basshylary aımaqtyq jáne halyqaralyq kún tártibindegi ózekti máseleler jóninde pikir almasyp, aldaǵy kezdesýlerdiń kestesin qarastyrdy.
