رومان سكليار سولتۇستىك قازاقستان وبلىسى زارەچنىي كەنتىندە تۇراتىن 239 تۇرعىندى ەۆاكۋاتسيالاۋدى تاپسىردى، دەپ حابارلايدى "ادىرنا" ءتىلشىسى.
پرەمەر-ءمينيستردىڭ ءبىرىنشى ورىنباسارى رومان سكليار زارەچنىي كەنتى ۋششەۆ كوشەسى مەن پريبرەجنوە اۋىلى بويىنداعى بوگەتتەردى ارالاپ شىقتى. ودان بولەك، ويقالاداعى سۋ تاسقىنىنا قارسى قورعانىس بەكىنىستەرىنىڭ دايىندىعىن تەكسەرىپ، ەۆاكۋاتسيالاۋ پۋنكتىنىڭ دايىندىعىنا باسا نازار اۋداردى.
پەتروپاۆل قالاسىنىڭ اكىمى سەرىك مۇحامەديەۆتىڭ قورىتىندىسى بويىنشا زارەچنىي كەنتىندە تۇراتىن 239 تۇرعىندى ەۆاكۋاتسيالاۋدى باستاۋدى تاپسىردى.
قالا اكىمى اتالمىش كەنتكە سۋ تاسقىنىنىڭ ءۇش كۇندە جەتەتىنىن حابارلادى. وسىعان بايلانىستى ءبىرىنشى ۆيتسە-پرەمەر تەز ارادا ازاماتتاردى ەۆاكۋاتسيالاۋدى باستاۋدى تاپسىردى.
"ادامدارعا 2017 جىلمەن سالىستىرعاندا، بيىلعى سۋ تاسقىنىنىڭ اۋقىمدى ەكەنىن ءتۇسىندىرۋ كەرەك، ويتكەنى اۋىل ويدا ورنالاسقان جانە ينجەنەرلىك قۇرىلىستار سۋدىڭ كوتەرىلۋىنە شىداماۋى مۇمكىن، تۇرعىنداردى ەۆاكۋاتسيالاۋ ءۇشىن ەكى كۇن بار", – دەدى ول.
