الماتى وبلىسىنىڭ اۋماعىندا اۋا رايى ناشارلايدى. پوليتسيا قولايسىز اۋا رايىنا بايلانىستى جول قوزعالىسى قاتىسۋشىلارىنا ۇندەۋ جاسادى، دەپ حابارلايدى “ادىرنا” ۇلتتىق پورتالى.
ۆەدومستۆونىڭ اقپاراتىنشا، پوليتسيا الماتى وبلىسىندا اۋا رايىنىڭ كۇرت ناشارلاۋىنا بايلانىستى جول قوزعالىسىنا قاتىسۋشىلارعا ەسكەرتۋ جاساپ وتىر.
ءتارتىپ ساقشىلارى جولعا شىعار الدىندا كولىك قۇرالىنىڭ جارامدى كۇيدە ەكەنىنە كوز جەتكىزۋ ماڭىزدى ەكەنىن ەسكە سالدى. دوڭگەلەكتەرگە، تەجەگىش جۇيەسىنە جانە جارىقتاندىرۋعا ەرەكشە نازار اۋدارۋ كەرەك. كوكتايعاق پەن ناشار كورىنۋ كەزدە قالىپتى جۇمىس ىستەيتىن كولىك توتەنشە جاعدايلار قاۋپىن ايتارلىقتاي تومەندەتەدى.
جۇرگىزۋشىلەرگە جىلدامدىق رەجيمىن قاتاڭ ساقتاۋ ۇسىنىلادى، اسىرەسە جاڭبىر، قار نەمەسە تۇمان سياقتى قيىن اۋا رايى جاعدايىندا ساق بولۋ كەرەك. تومەن جىلدامدىق سىرعاناۋ مەن سوقتىعىسۋدىڭ الدىن الۋعا كومەكتەسەدى جانە كۇتپەگەن جاعدايلارعا ارەكەت ەتۋگە مۇمكىندىك بەرەدى.
«پوليتسەيلەر اۋا رايىنىڭ قولايسىزدىعىندا جول قوزعالىسىنىڭ بارلىق ەرەجەسىن ساقتاۋ وتە ماڭىزدى ەكەنىن ەسكە سالدى. جۇرگىزۋشىلەر جاياۋ جۇرگىنشىلەرگە، باسقا كولىكتەرگە جانە جولداعى كۇتپەگەن كەدەرگىلەرگە مۇقيات بولۋى كەرەك.
جەكە قاۋىپسىزدىك شارالارىن ەلەمەۋگە بولمايدى. ەگەر اۋا رايى تىم قاۋىپتى بولسا، جۇرگىزۋشىلەرگە ساپارلاردان باس تارتۋعا كەڭەس بەرىلەدى. جاياۋ جۇرگىنشىلەر جولدا، اسىرەسە قاراڭعىدا، كيىمدەگى شاعىلىستىراتىن ەلەمەنتتەردى پايدالانىپ، كوزگە ءتۇسۋى ماڭىزدى»، - دەيدى پوليتسەيلەر.
ءتارتىپ ساقشىلارى ايماق تۇرعىندارىن ءوز ءومىرى مەن اينالاسىنداعىلاردىڭ ءومىرى ءۇشىن جاۋاپكەرشىلىكتى كورسەتۋگە، سونداي-اق اۋا رايى بولجامىنىڭ قاداعالاۋعا جانە قۇزىرلى ورگانداردىڭ ۇسىنىستارىن تىڭداۋعا شاقىردى.
