ساران قالاسىنداعى تۇرمىستىق تەحنيكا زاۋىتى شەت اۋدانىنداعى سۋ تاسقىنىنان زارداپ شەككەندەرگە 60 جاڭا تەلەديدار سىيلادى، دەپ حابارلايدى "ادىرنا" ءتىلشىسى.
جالپى بۇل اۋماقتا قايراقتى، اقسۋ، كراسنايا پوليانا، دەربىسالى اۋىلدارىنىڭ وتباسىلارى سۋ تاسقىنىنان زارداپ شەكتى. قازىر ولاردىڭ بارلىعى ۋاقىتشا شەت اۋدانى اكىمدىگىنە ورنالاستىرىلدى. تۇرمىستىق تەحنيكا زاۋىتىنىڭ ديرەكتورى تالعات ءابدىراحمانوۆتىڭ ايتۋىنشا، كومەك سۇراعان كەزدە زارداپ شەككەن وتباسىلارعا وندىرىستەن جەدەل تۇردە جاڭا تەلەديدارلار ءبولىنىپ، كومپانيا ەسەبىنەن تاسىمالداۋ ۇيىمداستىرىلعان. قۇرال-جابدىقتار قازىردىڭ وزىندە شەت اۋدانىنا جەتكىزىلىپ، جاقىن ارادا وتباسىلارعا تاپسىرىلادى.
