الماتى وبلىسى جىبەك جولى اۋىلىن سۋ باستى. بۇل تۋرالى الەۋمەتتىك جەلىلەردە ۆيدەو پايدا بولدى، دەپ حابارلايدى “ادىرنا” ۇلتتىق پورتالى tengrinews.kz سايتىنا سىلتەپ.
اۋىل تۇرعىندارىنىڭ ايتۋىنشا، 7 ءساۋىر كۇنى تۇندە بىرنەشە كوشەنى سۋ العان. الماتى وبلىسى اكىمدىگى جەر استى سۋلارىنىڭ كوتەرىلگەنىن حابارلادى.
"جىبەك جولى كەنتىنىڭ قاراسۋ، اقدالا، اقسۋ، اق جازىق، كوكقاينار، بوگەنباي باتىر، بالاساز، جيدەلى كوشەلەرىندە جەراستى سۋلارىنىڭ جينالۋ دەرەكتەرى انىقتالدى. قازىر اكىمدىك قىزمەتكەرلەرى ارنايى تەحنيكا ارقىلى سۋارۋ ارىقتارىن قازىپ، سۋدى سورۋ جۇمىستارىن جۇرگىزىپ جاتىر. بۇگىندە ءتورت شاقىرىمنان اسا ارىق قازىلدى", - دەپ حابارلادى وبلىس اكىمدىگى.
ەسكە سالايىق، 30 ناۋرىزدا الماتى وبلىسىندا ۆوروشيلوۆ سۋ قويماسىنىڭ بوگەتى جارىلدى. سونىڭ سالدارىنان جارمۇحامەت وزەنىنىڭ تومەنگى اعىسىنداعى ەكى كول تولىپ، ناتيجەسىندە 12 مىڭنان اسا ادام تۇراتىن ەكى ەلدى مەكەندى سۋ باسۋ قاۋپى ءتونىپ، كەيبىرى شۇعىل ەۆاكۋاتسيالانعان بولاتىن.
