Almaty oblysy Jıbek joly auylyn su basty. Būl turaly äleumettık jelılerde video paida boldy, dep habarlaidy “Adyrna” ūlttyq portaly tengrinews.kz saityna sıltep.
Auyl tūrǧyndarynyŋ aituynşa, 7 säuır künı tünde bırneşe köşenı su alǧan. Almaty oblysy äkımdıgı jer asty sularynyŋ köterılgenın habarlady.
"Jıbek joly kentınıŋ Qarasu, Aqdala, Aqsu, Aq Jazyq, Kökqainar, Bögenbai batyr, Balasaz, Jidelı köşelerınde jerasty sularynyŋ jinalu derekterı anyqtaldy. Qazır äkımdık qyzmetkerlerı arnaiy tehnika arqyly suaru aryqtaryn qazyp, sudy soru jūmystaryn jürgızıp jatyr. Bügınde tört şaqyrymnan asa aryq qazyldy", - dep habarlady oblys äkımdıgı.
Eske salaiyq, 30 nauryzda Almaty oblysynda Voroşilov su qoimasynyŋ bögetı jaryldy. Sonyŋ saldarynan Jarmūhamet özenınıŋ tömengı aǧysyndaǧy ekı köl tolyp, nätijesınde 12 myŋnan asa adam tūratyn ekı eldı mekendı su basu qaupı tönıp, keibırı şūǧyl evakuasiialanǧan bolatyn.
