2026 جىلدىڭ 25–26–27 قىركۇيەك كۇندەرى تۇركىستان قالاسىنداعى «كەرۋەن ساراي» تۋريستىك كەشەنىندە اشىق اسپان اياسىندا حالىقارالىق «Voice of Turan – 2026» قازاق اندەرى فەستيۆالى وتەدى.
فەستيۆال تۇركىستان وبلىسى اكىمىدىگىڭ، وبلىس اكىمى كوشەروۆ نۇرالحان ورالبايۇلىنىڭ قولداۋىمەن وتەدى.
حالىقارالىق «Voice of Turan» قازاق اندەرى فەستيۆالى – قازاق مۋزىكاسىن جانە قازاقستاندىق اۆتورلاردىڭ ۇزدىك شىعارمالارىن حالىقارالىق دەڭگەيدە ناسيحاتتايتىن، تۇركىستاننىڭ تاريحي-مادەني كەلبەتىن الەمگە تانىتاتىن ءىرى مادەني جوبا. بيىل فەستيۆال 7-ءشى رەت ۇيىمداستىرىلماق.
بيىلعى ءان دوداسىنا فرانتسيا، يسپانيا، يتاليا، سان-مارينو، تۋنيس، ۆەنەسۋەلا، يندونەزيا، ۆاتيكان، بەلارۋس، بولگاريا، تىۆا، گرۋزيا، ارمەنيا، مەكسيكا، ماروككو، كۋبا، گۆينەيا، قاراچاي رەسپۋبليكاسى، باشقۇرتستان جانە برازيليا ەلدەرىنەن كەلگەن انشىلەر قاتىسادى.
فەستيۆال اياسىندا قولونەرشىلەر اۋىلى، تۇركىتىلدەس ەلدەر ديزاينەرلەرىنىڭ شەرۋى، ءتۇرلى مادەني ءىس-شارالار ۇيىمداستىرىلىپ، تۇركى الەمىنىڭ تانىمال جۇلدىزدارى ءبىر ساحنادا باس قوسادى.
فەستيۆالدىڭ باستى ماقساتى – ۇلى دالادا قالىپتاسقان ءان ونەرىن الەمدىك مادەني كەڭىستىككە شىعارۋ، قازاق مۋزىكاسىنىڭ حالىقارالىق بەدەلىن ارتتىرۋ جانە تۇركىستاندى تۇركى دۇنيەسىنىڭ رۋحاني ءارى مادەني ورتالىعى رەتىندە كەڭىنەن تانىتۋ.
جوبانىڭ باس پروديۋسەرى – مەيىرجان الياكباروۆ.
قازىلار القاسى جانە كەش قوناقتارى: قۇرماش ماحان، جۇبانىش جەكسەنۇلى، سىرىم يساباەۆ، عادىلبەك جاناي، سەرىك يبراگيموۆ، گۇلسىم مىرزابەكوۆا، ءالي وتەنوۆ جانە مەيىرجان الياكباروۆ.
وتەتىن ورنى: تۇركىستان قالاسى، «كەرۋەن ساراي» تۋريستىك كەشەنى
وتەتىن كۇندەرى: 25–26–27 قىركۇيەك، 2026 جىل
ۇيىمداستىرۋشى: تۇركىستان وبلىسىنىڭ اكىمدىگى، مادەنيەت باسقارماسى
