اتىراۋ وبلىسىندا سۋعا باتىپ ەكى ادام قايتىس بولدى، دەپ حابارلايدى "ادىرنا" ءتىلشىسى.
سۋ باسقان ءۇيدى تەكسەرۋگە كەتكەن ەكى ەر ادام ءولى كۇيىندە تابىلدى.
"بۇگىن، 7 ساۋىردە تۇنگى ساعات 11 شاماسىندا اتىراۋ وبلىسىنىڭ تجد كۇشتەرى تىنىس الۋ بەلگىلەرى جوق ەكى ەر ادامنىڭ دەنەسىن تاپتى", - دەپ حابارلادى توتەنشە جاعدايلار مينيسترلىگى.
ەسكە سالا كەتەيىك، 6 ساۋىردە جىلىوي اۋدانى قۇلسارى قالاسىندا 1974 جىلى تۋعان ەر ادام جانە ونىڭ دوسى ءتيىستى رۇقساتسىز تراكتوردى ءوز بەتىنشە جۇرگىزىپ، سۋ باسقان ءۇيدى تەكسەرۋگە كەتكەن. سودان كەيىن ولار مىنگەن تراكتور جول شەتىنە اۋدارىلىپ قالعان.
