پاۆلودار وبلىسىندا كەمە كاپيتانى سۋعا باتىپ كەتتى. بۇل تۋرالى پاۆلودار وبلىسىنىڭ توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
«8 مامىر كۇنى ساعات 23:25-تە «102» نومىرىنە داعدارىستى جويۋ بولىمىنە اققۋلى اۋدانى، شابار اۋىلىنىڭ ماڭىندا ەرتىستە كەمە كاپيتانى سۋعا باتىپ كەتتى دەگەن حابار كەلىپ ءتۇستى. 9 مامىردا وقيعا ورنىنا ءتورت سۇڭگۋىر مەن جاڭعىرتقىشى بار سۋ كەمەسى جىبەرىلدى»، - دەپ حابارلادى بەيسەنبى كۇنى پاۆلودار وبلىسىنىڭ توتەنشە جاعدايلار دەپارتامەنتى.
باسقارما ءبىر كۇندىك جۇمىس ناتيجەنى وزگەرتپەگەنىن ايتتى. ىزدەستىرۋ جۇمىستارى سۋ دەڭگەيىنىڭ جوعارى بولۋىمەن، جەلدىڭ كۇشەيۋىمەن جانە اعىستارمەن قيىنداۋدا.
كەمە «قازاقستان سۋ-جولدارى» مەملەكەتتىك كاسىپورنىنا تيەسىلى ەكەنى بەلگىلى. ەر ادام پالۋبادان وزەنگە قۇلاپ، سۋعا باتىپ كەتكەن دەگەن بولجام بار. توتەنشە جاعدايلار دەپارتامەنتى ەر ادامنىڭ سول كەزدە كەزەكشىلىكتە بولعان-بولماعانىن ناقتىلامادى.
سۇڭگۋىرلەر ىزدەستىرۋ-قۇتقارۋ جۇمىستارىن ەرتەڭ قايتا باستايدى.
ەسكە سالايىق، بيىل 4 قاڭتاردا 3 قۇتقارۋشى جانە 1 جۇرگىزۋشىسى بار اۆتوبۋس وپىرىلعان شۇڭقىرعا ءتۇسىپ كەتكەن بولاتىن. ونىڭ تەرەڭدىگى – 200 مەتر، ەنى – 500 مەتر. سول كۇنى 2 قۇتقارۋشىنىڭ دەنەسى تابىلعان. الايدا اۆتوبۋستاعى 1 قۇتقارۋشى مەن 1 جۇرگىزۋشىنىڭ دەنەسى ءالى كۇنگە دەيىن تابىلمادى.
