Атырау облысында суға батып екі адам қайтыс болды, деп хабарлайды "Адырна" тілшісі.
Су басқан үйді тексеруге кеткен екі ер адам өлі күйінде табылды.
"Бүгін, 7 сәуірде түнгі сағат 11 шамасында Атырау облысының ТЖД күштері тыныс алу белгілері жоқ екі ер адамның денесін тапты", - деп хабарлады Төтенше жағдайлар министрлігі.
Еске сала кетейік, 6 сәуірде Жылыой ауданы Құлсары қаласында 1974 жылы туған ер адам және оның досы тиісті рұқсатсыз тракторды өз бетінше жүргізіп, су басқан үйді тексеруге кеткен. Содан кейін олар мінген трактор жол шетіне аударылып қалған.
