سۋ باسقان اتىراۋ وبلىسىنداعى قۇلسارى قالاسىنان ماڭعىستاۋ وبلىسىنا ەۆاكۋاتسيالانعاندار سانى شامامەن 15 مىڭ ادامعا جەتتى، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەپ.
«قازىر اتىراۋ وبلىسى جىلىوي اۋدانى قۇلسارى قالاسىنان ماڭعىستاۋ وبلىسىنا 15 مىڭعا جۋىق ازامات ەۆاكۋاتسيالاندى، ونىڭ 5500-گە جۋىعى بالالار. 21 ۋاقىتشا ورنالاستىرۋ ورتالىعىنا 1641 ازامات، ونىڭ ىشىندە 741 بالا ەۆاكۋاتسيالاندى. 12 مىڭنان استام ازامات تۋىستارىندا قالدى. ماڭعىستاۋ وبلىسىندا جەرگىلىكتى بيلىك پەن توتەنشە جاعدايلاردىڭ كومەگىمەن 83 مىڭنان استام ازاماتتى قابىلدايتىن 201 ۋاقىتشا ورنالاستىرۋ پۋنكتى دابىلعا قويىلدى. ازاماتتاردى ەۆاكۋاتسيالاۋ جالعاسۋدا»، - دەلىنگەن سەنبى كۇنى حابارلامادا.
