قازاقستاننىڭ ەڭبەك سىڭىرگەن قايراتكەرى، “قۇرمەت” وردەنىنىڭ يەگەرى، مۇحتار اۋەزوۆ اتىنداعى قازاق ۇلتتىق تەاترىنىڭ قويۋشى- رەجيسسەرى ورازحان سادۋاقاسۇلى كەنەباەۆ دۇنيەدەن وزدى، دەپ حابارلايدى "ادىرنا" ۇلتتىق پورتالى. بۇل تۋرالى مۇحتار اۋەزوۆ اتىنداعى قازاق ۇلتتىق تەاترى مالىمدەدى.
ورازحان سادۋاقاسۇلى كەنەباەۆ - 1950 جىلى 16 ناۋرىزدا تالدىقورعان وبلىسى، اندرەەۆ اۋدانى، توڭكەرىس اۋىلىندا تۋعان. قازاقستاننىڭ ەڭبەك سىڭىرگەن قايراتكەرى (2003). قۇرمەت وردەنىنىڭ يەگەرى (2011) اتاقتارىن العان.
«اباي» (ورازباي), «ابىلاي حان» (قالدان شەرى، ورىس ەلشىسى), «رەۆيزور» (دۋانباسى), «توميريس» (بالحاش), «قامار سۇلۋ» (ومار), «ماحابباتتىڭعاجاپ ءانى» (قوجاق), «اتجىلاعان ءتۇن» (توراعا), «قۇدالار» (مومىن), «ءمولدىر ماحاببات» ء(ابۋتالىپ) جانە باسقا سپەكتاكلدەردە وينايدى. «موسفيلم» كينوستۋدياسىنىڭ «ديۆيزيا كومانديرىنىڭ كۇنى» (بارلاۋشى), «قازاقفيلم» كينوستۋدياسىنىڭ «ءاليا» (سولدات), «وتەلمەگەن قارىز» كينوفيلمدەرىندە ويناعان.
رەجيسسەرلىك-قويىلىمدىق جۇمىستارى: م. زادورنوۆتىڭ «كۇيەۋىڭىزدى ساتىڭىزشىسى»، ب. مۇقايدىڭ «كاۆالەرلەرى»، و. بورانباەۆتىڭ «بالامۋتى»، ق. مۇحامeتجانوۆ پەن ش. ايتماتوۆتىڭ «فۋدزياماداعى كەزدەسۋ» جانە باسقالار. م. اۋەزوۆتىڭ 100 جىلدىعىنا ارنالعان حالىقارالىق فەستيۆالدا «قوبىلاندى» سپەكتاكلىنىڭ قويىلىمى ءۇشىن «ەڭ ۇزدىك رەجيسسەر» باس جۇلدەسىن العان.