Qazaqstannyń eńbek sińirgen qaıratkeri, “Qurmet” ordeniniń ıegeri, Muhtar Áýezov atyndaǵy Qazaq ulttyq teatrynyń qoıýshy- rejısseri Orazhan Sádýaqasuly Kenebaev dúnıeden ozdy, dep habarlaıdy "Adyrna" ulttyq portaly. Bul týraly Muhtar Áýezov atyndaǵy Qazaq ulttyq teatry málimdedi.
Orazhan Sádýaqasuly Kenebaev - 1950 jyly 16 naýryzda Taldyqorǵan oblysy, Andreev aýdany, Tóńkeris aýylynda týǵan. Qazaqstannyń eńbek sińirgen qaıratkeri (2003). Qurmet ordeniniń ıegeri (2011) ataqtaryn alǵan.
«Abaı» (Orazbaı), «Abylaı han» (Qaldan sheri, Orys elshisi), «Revızor» (Dýanbasy), «Tomırıs» (Balhash), «Qamar sulý» (Omar), «Mahabbattyńǵajap áni» (Qojaq), «Atjylaǵan tún» (Tóraǵa), «Qudalar» (Momyn), «Móldir mahabbat» (Ábýtálip) jáne basqa spektaklderde oınaıdy. «Mosfılm» kınostýdııasynyń «Dıvızııa komandıriniń kúni» (Barlaýshy), «Qazaqfılm» kınostýdııasynyń «Álııa» (Soldat), «Ótelmegen qaryz» kınofılmderinde oınaǵan.
Rejısserlik-qoıylymdyq jumystary: M. Zadornovtyń «Kúıeýińizdi satyńyzshysy», B. Muqaıdyń «Kavalerleri», O. Boranbaevtyń «Balamýty», Q. Muhametjanov pen Sh. Aıtmatovtyń «Fýdzııamadaǵy kezdesý» jáne basqalar. M. Áýezovtiń 100 jyldyǵyna arnalǵan Halyqaralyq festıvalda «Qobylandy» spektakliniń qoıylymy úshin «Eń úzdik rejısser» Bas júldesin alǵan.
