الماتىدا جىگىتتى اياۋسىز سوققىعا جىققان كۇدىكتى ۇستالدى. جەلىدە ۆيدەوسى تارادى، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەپ.
بەينەجازبادا بەلگىسىز ادام جىگىتكە بىرنەشە سوققى جاسايدى جانە جابىرلەنۋشىدەن قانداي دا ءبىر قارجىلىق قارىزى تۋرالى ايتادى. ال كادر سىرتىنداعى داۋىس ونىڭ باسىنان ۇرماۋدى سۇرايدى.
اقپاراتقا سۇيەنسەك، الماتى پوليتسياسى كۇدىكتىلەردى ۇستادى.
"زورلىق-زومبىلىقپەن وزىنشە بيلىك ەتۋ دەرەگى بويىنشا قىلمىستىق ءىس قوزعالدى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. سونىمەن قاتار، قىلمىسقا قاتىسقانى ءۇشىن ۆيدەوعا تۇسىرگەن ەكىنشى ادام دا ۇستالىپ، ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر", - دەدى الماتى پد ءباسپاسوز قىزمەتى.
