قازاقستان وڭىرلەرىندەگى سۋ تاسقىنىنان زارداپ شەككەن فەرمەرلەر مال ازىعى بويىنشا قايدا حابارلاسۋ كەرەك؟ بۇل تۋرالى پرەمەر-ءمينيستردىڭ ءباسپاسوز قىزمەتى ايتتى، دەپ حابارلايدى “ادىرنا” ۇلتتىق پورتالى.
«سۋ باسقان ورىنداردان ايدالعان مال باسىنا ازىق جەتىسپەگەن جاعدايدا، «ازىق-تۇلىك كورپوراتسياسى» ۇلتتىق كومپانياسى» اق فەرمەرلەردىڭ وتىنىمدەرى بويىنشا تولەمدەردى كەيىنگە قالدىرۋ شارتىمەن مالعا ازىق جەتكىزۋدى ۇيىمداستىرۋعا مۇمكىندىگى بار»، - دەلىنگەن سەيسەنبىدەگى حاباردا.
حاباردا اتاپ وتىلگەندەي، ول ءۇشىن وبلىستىق شتابقا تومەندەگى نومىرلەر ارقىلى حابارلاسۋ قاجەت:
• استانا - 7172 24-51-47, 74-22-79
• الماتى - 8-707-112-64-41
• شىمكەنت - 7252 33-74-78
• اباي وبلىسى -7222 56-15-15, 56-37-59
• الماتى وبلىسى - 72772 2-61-02, 2-61-51
• اقمولا وبلىسى - 7162 52-55-18
• اقتوبە وبلىسى - 7132 97-24-67
• اتىراۋ وبلىسى - 7122 45-00-00
• شقو- 7232 57-00-29, 57-00-35
• جەتىسۋ وبلىسى - 7282 22-15-91, 22-38-52
• جامبىل وبلىسى - 7262 45-68-29, 45-17-43
• بقو - 7112 51-42-22
• قاراعاندى وبلىسى - 7212 43-36-36, 43-37-37
• قىزىلوردا وبلىسى - 7242 24-41-61, 24-58-30
• قوستاناي وبلىسى - 7142 50-07-44, 50-04-55
• ماڭعىستاۋ وبلىسى - 7292 70-17-07
• پاۆلودار وبلىسى - 7182 32-36-92, 53-57-49
• سقو - 7152 52-24-54, 52-21-72
• تۇركىستان وبلىسى - 72533 5-99-96
• ۇلىتاۋ وبلىسى + 7102 72-11-65
«سۋ تاسقىنىنا قارسى ءىس-شارالاردى ۇيلەستىرۋ جانە سۋ تاسقىنى كەزەڭىنىڭ سالدارىن جويۋ جونىندەگى رەسپۋبليكالىق شتاب شەڭبەرىندە اۋىل شارۋاشىلىعى مينيسترلىگى ارقىلى كەلەسى جۇمىستار جۇرگىزىلۋدە. ءمينيستردىڭ مال شارۋاشىلىعى جانە ۆەتەريناريا ماسەلەلەرى جونىندەگى ورىنباسارى مينيسترلىكتىڭ جانە ونىڭ اۋماقتىق بولىمشەلەرى مەن وبلىستار اكىمدىكتەرىنىڭ ءىس-قيمىلدارىن ۇيلەستىرۋ جونىندەگى تىكەلەي تۇلعا رەتىندە بەكىتىلدى، قر اشم كوميتەتتەرىنىڭ اۋماقتىق بولىمشەلەرىنىڭ باسشىلارى وبلىستىق شتابتاردىڭ قۇرامىنا ەنگىزىلگەن. سۋ باسقان وڭىرلەردەگى مال ءولىمىنىڭ الدىن الۋ ماقساتىندا مالدى قاۋىپسىز جايىلىم ورىندارىنا كوشىرۋ جۇمىستارى ۇيىمداستىرىلدى. جەدەل دەرەكتەر بويىنشا شامامەن 30 مىڭ باس مال قاۋىپسىز جەرگە ايدالدى»، - دەپ ناقتىلادى مينكابينەتىنەن.
اقپارعا سايكەس، «قاۋىپ-قاتەردىڭ ءالى دە سەيىلمەي وتىرعانىنا جانە سۋ تاسقىنىنىڭ بولجامدى ەكىنشى تولقىنىنا بايلانىستى جەرگىلىكتى اتقارۋشى ورگاندار حالىقتى اقپاراتتاندىرۋ جانە قاۋىپتى جەرلەردەن مالدى الدىن الا ايداپ اكەتۋ بويىنشا جۇمىستاردى جۇرگىزۋدە».
«وكىنىشكە قاراي، سۋ تاسقىنىنا بايلانىستى مال شىعىنىنان قۇتىلۋ مۇمكىن بولماي وتىر. سوندىقتان قازىر ولگەن مال سانى ەسەپتەلىپ، دەرەكتەر ناقتىلانۋدا. ەپيدەميولوگيالىق قاۋىپ-قاتەردى ازايتۋ ءۇشىن وڭىرلەردە «رەسپۋبليكالىق ەپيزووتياعا قارسى وترياد» رمم ماماندارى جۇمىس ىستەپ جاتىر. اۋىل شارۋاشىلىعى مينيسترلىگىنىڭ ۆەدومستۆولىق باعىنىستى ۇيىمىنىڭ بالانسىندا تەحنيكا، دەزينفەكتسيالاۋ قۇرالدارى، وتىن قورى، سونداي-اق ولگەن مال ولەكسەلەرىن جوياتىن ينسينەراتورلار بار. سۋ تارتىلعاننان كەيىن مينيسترلىكتىڭ ەپيزووتياعا قارسى وتريادى وبلىستار اكىمدىكتەرىمەن بىرلەسىپ ولگەن جانۋارلاردى جيناپ، جويۋعا كىرىسەدى»، - دەلىنگەن حاباردا.
قر اشم قىزمەتكەرلەرى وزدەرىنىڭ تىكەلەي مىندەتتەرىن ورىنداۋمەن قاتار، سۋ تاسقىنىنا قارسى كۇرەس جانە ولاردىڭ زارداپتارىن جويۋ جۇمىستارىنا جۇمىلدىرىلعان.
«سۋ تاسقىنى سالدارىنان تج رەجيمى كەزىندە مال ولگەن جاعدايدا وتەماقى جەرگىلىكتى بيۋدجەتتەردەن، سونداي-اق باسقا دا قارجى كوزدەرىنەن تولەنەتىن بولادى»، - دەپ مالىمدەدى ۇكىمەتتەن.
