“8 جىل بويى ءۇيىمىزدى كۇتىپ وتىرمىز”: استانالىق دارىگەرلەر توقاەۆتان كومەك سۇرادى

2548
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

استانانىڭ مەديتسينا قىزمەتكەرلەرى «دەنساۋلىق باقىت» تۇرعىن ءۇي كەشەنىنىڭ قۇرىلىسى تىم ۇزاققا سوزىلعانىنا نارازىلىق ءبىلدىرىپ، پرەزيدەنتكە بەينەۇندەۋ جولدادى. ۆيدەو @zhaloby.astana Instagram پاراقشاسىنا جاريالاندى، دەپ حابارلايدى “ادىرنا” ۇلتتىق پورتالى.

ء"بىز «دەنساۋلىق باقىت» تۇرعىن ءۇي كەشەنىنىڭ تۇرعىندارىمىز، بۇل مەديتسينا قىزمەتكەرلەرىنىڭ ءۇيى. بىزگە كومەكتەسۋىڭىزدى سۇرايمىز! ءبىزدىڭ ءۇي 8 جىل بويى سالىنىپ كەلەدى! 8 جىل بويى دارىگەرلەر ءوز ۇيلەرىن كۇتىپ وتىر. ءبىز التاي كولگىنوۆكە دە، قۇرىلىس كومپانياسىنا دا تالاي مارتە حات جازدىق، اكىمدىككە جانە پرەزيدەنتىمىزگە جازىپ وتىرمىز! قاسىم-جومارت كەمەلۇلى، بىزگە نازار اۋدارىڭىزشى! دارىگەرلەر ادام ومىرىنە اراشا تۇسەدى، كۇندەلىكتى ەم-دوم جاسايدى، نەگە بۇل جوبا بىزگە بەرگەن ۋادەسىن ورىندامايدى؟ كەزدەسۋدە تك جوباسىنىڭ وكىلى ءبىزدىڭ ءۇيدى 24 جەلتوقساندا تاپسىرۋعا ۋادە بەرگەن بولاتىن! قازىر ەشتەڭە جاسالمادى! ۆيتسە-ءمينيستردىڭ رەسمي حاتىندا ءۇي 2022 جىلدىڭ قازان ايىندا تولىق تاپسىرىلادى دەپ كورسەتىلگەن. بىزگە ءوز پاتەرىمىزگە قونىستانۋعا كومەكتەسىڭىز! كىنالىلەردى جازالاڭىز!",- دەلىنگەن دارىگەرلەردىڭ ۇندەۋىندە.

ايتا كەتەيىك، «دەنساۋلىق باقىت»  – استانا – قاراعاندى تاس جولىنىڭ بويىنداعى الماتى اۋدانىندا ورنالاسقان ەكونوم-كلاستى تۇرعىن ءۇي كەشەنى. كەشەندى سالۋشى كومپانيانىڭ اتاۋى دا – «دەنساۋلىق باقىت».

پىكىرلەر