اقش مەملەكەتتىك حاتشىسى ەنتوني بلينكەن اقش ۋكراينانىڭ ىشكى ىستەر مينيسترلىگىنە شەكارالاردى قورعاۋ، ءتارتىپتى ساقتاۋ جانە ماڭىزدى مەملەكەتتىك ينفراقۇرىلىمدى قورعاۋ ءۇشىن قوسىمشا 100 ميلليون دوللار كولەمىندە كومەك كورسەتۋگە نيەتتى ەكەنىن ايتتى، - دەپ حابارلايدى "ادىرنا" ءتىلشىسى RT ارناسىنا سىلتەمە جاساپ.
قارجىلاندىرۋدىڭ ۇلعايۋى ۋكراينانىڭ مەملەكەتتىك شەكارا قىزمەتى مەن ۋكراينانىڭ ۇلتتىق پوليتسياسى ءۇشىن جەكە قورعانىس قۇرالدارىنىڭ، دالالىق تەحنيكانىڭ، تاكتيكالىق تەحنيكانىڭ، مەديتسينالىق ماقساتتاعى بۇيىمداردىڭ، بروندى ماشينالار مەن بايلانىس قۇرالدارىنىڭ تۇراقتى اعىنىن قولداۋعا مۇمكىندىك بەرەتىنى اتاپ وتىلگەن.
«امەريكا قۇراما شتاتتارى ۋكراينا ىشكى ىستەر مينيسترلىگىنىڭ مۇمكىندىكتەرىن جاقسارتۋ ءۇشىن ازاماتتىق قاۋىپسىزدىككە قوسىمشا 100 ميلليون دوللار كومەك كورسەتۋگە نيەتتى»، - دەلىنگەن بلينكەننىڭ مالىمدەمەسىندە.
بۇعان دەيىن اقش ۋكرايناعا گۋمانيتارلىق كومەكتى قارجىلاندىرۋ ءۇشىن قوسىمشا ءبىر ميلليارد دوللاردان استام قاراجات بولۋگە دايىن ەكەنى حابارلانعان بولاتىن.
"ادىرنا" ۇلتتىق پورتالى
